Имсол «Соли роҳҳои обод» эълон шуда буд. Сол ба охир мерасад. Мутаассифона, на ҳама роҳҳо обод шуданд.

Дар медиапортали «Тироз» бахши «Хабари худро бирасон» фаъол аст, ки истифодабарандагони портал мунтазам хабарҳои худро тавассути он ба шунавандагон ва истифодабарандагони ин замима мерасонанд.

Имрӯзҳо аз номи истиқоматкунандагони шаҳри Хуҷанд ба медиапортали «Тироз» номаҳо мерасанд, ки онҳо чунин матн доранд: «қариб шаш моҳ инҷониб, роҳи асосӣ дар поёнгоҳи кӯчаи «Тироз», бо ҳошияи нофаҳмо ҷудо карда шудааст. Оғози ин кор бо нияти нек ва ба истиқболи меҳмонон тарҳрезӣ шуда бошад ҳам, аммо имрӯз ронандагон ва пиёдагардҳо дар «нимароҳ» мондаанд. Акнун ин роҳи нобунёд табъи ронандагонро хира ва гаштугузори мардумро халалдор месозад. Тахмин меравад, ки мутассадиёни роҳсоз аз таъмири ин кӯча фаромӯш кардаанд. Шояд ба мавзӯъ шомил шудани Шумо барои ҳалли ин масъала кӯмаки худро расонад».

Бо чунин сатрҳо ин нома ба охир мерасад.

Фарқияти ду тарафи кӯча дар акси панорамӣ

Дастаи медиапортали “Тироз” пайгири ин мавзӯъ шуд ва худ сари роҳ рафт. Онҷо мо ин манзараро дидем:

Ронандагон ва сокинони шаҳри Хуҷанд доир ба вазъияти роҳи нобунёд фикру ақидаҳои худро чунин баён намуданд:

Дар бахшҳои оянда мо албатта, ин мавзӯъро домангир шуда, ба мақомоти дахлдор арзу хоҳиши Шуморо мерасонем…

P.S. Инчунин худи Шумо низ хабари худро ба мо ирсол намуда, дар ободонии кишвар ҳиссаи худро метавонед гузоред!