Дар вилояти Суғд баҳри иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон дар самти бунёди иншооти ҷашнӣ ва тақвияти корҳои ободониву созандагӣ ба истиқболи ҷашни 30-солагии Истиқлолияти давлатии Ҷумҳурии Тоҷикистон тадбирҳои мушаххас амалӣ гардида истодааст.
Тибқи нақшаи тасдиқгардида ва назардошти пешниҳоди иловагӣ дар шаҳру ноҳияҳо сохтмон, азнавбарқароркунӣ ва таъмиру тармими 7190 иншоот дар назар дошта шудааст. Дар соли 2018 дар шаҳру ноҳияҳо 1352 иншоот, дар соли 2019-ум 2666 иншоот ва дар соли 2020-ум 1972 иншоот ба истифода дода шуд.
Дар маҷмуъ, давоми солҳои 2018, 2019 ва 2020 дар шаҳру ноҳияҳои вилоят аз ҷониби мақомоти иҷроияи ҳокимияти давлатии вилоят ва шаҳру ноҳияҳо, саховатмандону соҳибкорон сохтмон, таъмир ва азнавбарқароркунии 5990 иншооти таъиноташон гуногун ба анҷом расонида шуда, дар иншооти боқимонда корҳои сохтмонӣ ҷараён дорад.
Манбаъ: Хадамоти матбуоти Раиси вилояти Суғд
Нет комментариев