Чанде пеш дар ҳамаи мактабҳои таҳсилоти миёнаи умумии шаҳру ноҳияҳои ҷумҳурӣ, минҷумла вилояти Суғд чорабинии тантанавӣ доир ба хатми мактаб Занги камолот доир гардид. Чорабинии мазкур тибқи фармони вазири маориф ва илми ҶТ дар доираи 45 дақиқа бо иштироки хонандагони синфҳои 9 ва 11 гузаронида шуд. Тавре ки аз Раёсати маорифи вилоят иттилоъ доданд, дар давоми соли хониши сипаришуда, хонандагони мактабҳои вилоят зимни иштирок дар олимпиадаҳову чорабиниҳои илмиву амалӣ ба якчанд дастоварди калон ноил гардиданд. Аз ҷумла, зимни иштирок дар олимпиадаҳои ҷумҳуриявии фаннӣ, номӣ, даставӣ аз 137 нафар иштирокчӣ аз муассисаҳои таълимии шаҳру ноҳияҳои вилоят 73 нафар ба гирифтани ҷойҳои фахрӣ ноил гардид, ки ин нишондиҳанда дар сатҳи ҷумҳурӣ беҳтарин ба ҳисоб меравад. Дар умум соли равон дар шимоли кишвар синфи 11-ро 33 ҳазору 015 нафар, аз ҷумла 16 ҳазору 467 нафар духтар хатм менамояд. Дар маркази вилоят- шаҳри Хуҷанд синфи 11-ро 2 ҳазору 395 нафар толибилм хатм менамояд, ки аз ин шумора 11 нафар чун довталаб барои гирифтани медалҳои тилло ва нуқра пешниҳод гардидааст. Дар ин бора агентии Ховар хабар медиҳад.
Комроншоҳ Устопириён соҳиби медали биринҷӣ гардид
Паҳлавони маъруфи тоҷик Комроншоҳи Устопириён дар Бозиҳои 18-уми тобистонаи осиёӣ дар шаҳри Ҷакартаи Индонезия аз рӯи намуди гӯштини дзюдо медали биринҷӣ ба даст овард, ки ...
Нет комментариев