Суғд: роҳи автомобилгарди Овчӣ-Ғончӣ таъмир мешавад

0
2 902 просмотров

Роҳи 10 километра-и автомобилгарди Овчӣ-Ғончӣ бо мусоидати мақомоти ҳокимияти вилоятӣ таъмир хоҳад шуд.  Ин нуқта дирӯз, зимни сафари кории раиси вилояти Суғд Абдураҳмон Қодирӣ ба ноҳияи Ғончӣ зикр гардид. Ба иттилоъи раиси вилоят ин иқдом дар доираи раванди корҳои ободкориву созандагӣ ва амалишавии барномаи вилоятии «Соли 2015 — идомаи соли роҳҳои обод» амали мешавад.
Зимни сафари худ ба ноҳияи Ғончӣ раиси вилоят ҳамзамон аз заминҳои кишти картошка дар кооперативи истеҳсолии “Овчӣ”-и ноҳия  дидан намуд. Тавре зикр гардид, картошкаи дар ин минтақа истеҳсолшаванда дар бозорҳои вилояти Суғд ва берун аз он низ харидорони зиёд дорад. Ба иттилои кишоварзон дар кооперативи истеҳсолии «Овчи”-и Ғончӣ дар майдони 195 гектар навъҳои беҳтарини картошка аз қабили “Пикассо” ва «Алладин» кишт карда шуда, ҳосилнокии он аз 400 то 500 аз ҳар гектар мебошад.
Роҳбари вилоят инчунин бо лоиҳаи сохтмони хатти оби Даҳкатсой — Даҳанасой боздид ба амал овар, ки амалишавии ин лоиҳа имкон медиҳад, наздик ба 6000 гектар замин обёрӣ шавад. Ҳангоми  муаррифии лоиҳаи мазкур раиси вилоят иброз дошт, ки барои амалишавии он дар марҳилаи аввал аз ҳисоби буҷет 10 миллион сомонӣ ҷудо  хоҳад шуд.
Дар анҷоми сафари корӣ раиси вилоят бо фаъолони ноҳия мулоқот анҷом дод.

Дар ин бора khovar.tj хабар медиҳад.

Нет комментариев

Также рекомендуем

Қурби расмии асъор барои имрӯз: 01.06.2021

Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 11.3200 сомонӣ; 1 евро – ...

Сообщить об опечатке

Текст, который будет отправлен нашим редакторам: