Тағйироти кадрӣ дар Гвардияи Миллии Тоҷикистон

0
4 407 просмотров

Имрӯз Президенти кишвар Эмомалӣ Раҳмон як қатор кадрҳои ба вазифаҳои пурмасъулият таъиншудаи Гвардияи Миллии Тоҷикистонро барои суҳбат ба ҳузур пазируфт.
Тавре аён гардид, кадрҳои даъватшуда ба вазифаҳои роҳбарӣ дар ҳайати фармондеҳии Гвардияи Миллӣ ва ҷузъутомҳои ин воҳиди муқтадири низомӣ таъин шудаанд.
Ҳамаи онҳо кадрҳои ҷавон ва дар айни замон хатмкардагони ду ва зиёда муассисаҳои таҳсилоти олии ҳарбӣ дар дохил ва хориҷи кишвар буда, дорои таҷрибаи кофии раҳбарию сарварӣ мебошанд.
Сарвари давлат Эмомалӣ Раҳмон онҳоро ба хизмати софдилонаю содиқона ба халқу Ватан, баланд бардоштани омодагии касбӣ ва низомии афсарон ва ҷузъутомҳои Гвардияи Миллӣ, пурзӯр намудани интизому тартибот, тарбияи кадрҳои ҷавону ояндадор ва ба тақвияти ҳисси масъулияти ватандорию давлатдорӣ, ҳифзи шоиста аз ҳар як порча сарзамини муқаддаси Тоҷикистони азиз ҳидоят намуд.
Таъкид гардид, ки ҳар яки мо бояд худро соҳибони масъули Ватан ва марзу буми бобоӣ эҳсос намуда, барои рушду нумӯи он ва ҳимояи дастовардҳои истиқлоли давлатии Тоҷикистон  пайваста ҷаҳду талош намоем.

Нет комментариев

Также рекомендуем

Зиёда аз 650 шаҳрванди Тоҷикистон аз Қазоқистон ва Ӯзбекистон ба Ватан баргардонида шуданд

Имрӯз, 20 июн 553 шаҳрванди Ҷумҳурии Тоҷикистон, ки бинобар баста будани марзҳо дар гузаргоҳи «Жибек Жоли»-и сарҳади давлатии Ҷумҳурии Қазоқистон бо Ҷумҳурии Ӯзбекистон муваққатан дармонда ...

Сообщить об опечатке

Текст, который будет отправлен нашим редакторам: