Мехохед, хӯрокҳои хунукшударо ботезӣ ва босифат гарм кунед? Пас, аз тафдонҳои барқй истифода баред. Намедонед чӣ тавр онро интихоб намоед? Ман ба шумо дар ин ҷода ёрӣ мерасонам. Тафдонхои барқии оддй танхо барои гарм кардани таом, тафдонхои барқии грилдор бошад барои пухтани гӯшт истифода бурда мешаванд. Хангоми интихоб ба хаҷми даруни тафдон ахамият дихед. Хаҷми то 20 литр барои як нафар, хаҷми то 30 литр барои истифодабарии ахли оилаатон хизмат карда метавонад.
Рӯйпӯшхои даруни тафдонҳо аз маводхои гуногун тайёр карда шуда, аз ҳама оддитарин ва арзонтарини он – эмал мебошад. Рӯйпӯши пӯлодин бошад, ба харорати баланд тобовар аст, лек талаби нигохубини боҷидду ҷаҳдро дорад. Рӯйпӯшҳои муқобили бактерӣ ва биокерамикӣ- руйпушхои муосир ба хисоб рафта, дар чунин тафдонхо манфиати моддахои ғизодиҳандаи махсулоти озукаворӣ нигох дошта мешавад.
Акнун якчанд маслихатхои муфидро оиди истифодабарии дурусти тафдони барқӣ пешкаши шумо мегардад.:
1.Агар оинаи бехатарӣ, дигар қисмҳои тафдон зарар дида ё нокилхои пайваст нуқсон дошта бошанд, истифода бурдани тафдони барқӣ қатъиян манъ аст;
2.Чоизи кайд аст, ки баъзе нафарон дар тафдони барқӣ таомро тайёр мекунанд. Ин амали нодуруст аст. Ба маълумоти шумо мерасонам, ки азбаски тафдонхои барқӣ бактерия ва микробхоро нобуд карда наметавонанд, таоми пухтаи шумо ба саломатиатон хатарнок шуданаш мумкин аст. Инчунин дар тафдон махсулоти хурокаи дар банкаю қуттиҳои ҳархела нигохдорандаро гарм кардан мумкин нест.
3.Барои тоза кардани равғани дар девораҳои тафдони барқӣ часпида, ба шумо махлули содда ёрӣ расонида метавонад. Дар махлули содда пораи матоъро тар карда, деворахоро шӯед, баъдан бо сачоқи хушк пок кунед. Барои тозаю озода нигох доштани тафдон оби лимӯро низ истифода мебаранд. Оби лимӯро бо об омехта, ба даруни тафдони тасфидаистода ба муддати 5 дақиқа гузоред.
Дар хотир доред, ки агар тафдони барқиро нодуруст истифода баред, он ба саломатии шумо хатарнок шуда метавонад. Шунавандагони азиз, тафдонҳои барқиро мувофиқи таъиноташон истифода бурда, аз он халоват баред.
Ин буд якчанд маслихатхои портали «Тироз» ҷихати интихоб ва истифодаи дурусти тафдонхои барки. Бо мо бошед
Нет комментариев