Эрик Ҷонсон сокини ИМА аз ҷониби смартфони худ зарар дид. IPhone 5C-и ӯ боиси ҷарроҳатҳои дараҷаи сеюм гирифтани пояш гардид. Бино бар маълумоти ҷабрдида, ӯ аввал садои ғулғуларо аз телефони дар ҷайбаш буда шунидааст, он пас аз андаке дуд баровардааст. Дар ин муддат, Эрик ба дард тоқат карда натавониста, кӯшиши аз ҷайбаш берун кардани iPhone-ро мекунад вале наметавонад. Чунки ғилофи обшудаи дастгоҳ кушодани киссаро имконнопазир гардонида буд. Маҳз барои ҳамин ҷабрдида маҷбур шуд, ки шимҳояшро кашида, онро ба як сӯ ҳаво диҳад.
Ин ҳолат, аввалин ҳодиса дар таърихи iPhone нест. Гуфта мешавад, ки смартфонҳо баъзан метавонанд худ аз худ аланга гиранд. Тавре ки маълум аст, онҳо ҳангоми барқгирӣ таркиданашон мумкин аст. Илова бар ин, дастгоҳҳои мазкурро ҳатто дар сӯзонидани хонаҳо айбдор кардаанд. Аксар вақт дар чунин ҳолатҳо симҳои дастгоҳҳро гунаҳкор мекунанд вале Ҷонсон изҳор намудааст, ки аз симҳои аслӣ истифода бурдааст. Намояндагони Apple таъкид намудаанд, ки албатта ин ҳодиса тафтиш карда хоҳад шуд. Аммо бо вуҷуди ин, ҷабрдида ният дорад, ки ба суд муроҷиат кунад.
Сарчашма: matrix-tv.tj
Нет комментариев