Чунин хусусияти муфиди витамини К, амсоли тақвиятбахшии устухонҳо ва таъмини сиҳатии системаи дилу рагҳои хунгард барои инсоният аллакай кашф шудааст. Мутаассифона, организм ба танҳоӣ наметавонад витамини К ҳосил кунад, аз ин рӯ ҳатмист, ки бояд бо тановул кардани маҳсулоти дорои витамини К таносуби онро дар организм нигаҳ дорем.
Витамини К барои эҷоди протромбин – муҳимтарин элемент барои гардиши хун, ки дар ҷигари одамӣ ҳосил мешавад, зарурӣ аст. Ба ҷуз ин дар ҷигари инсон элементҳои дигар низ ҳосил мешаванд, ки барои ин раванд муҳиманд ва ҳамаи онҳо ба мавҷудияти миқдори кофии витамини К эҳтиёҷ доранд. Ба ҳангоми мавҷуд набудани ин элементҳо гардиши хун суст мешавад ва ё ҳатто аз гардиш мемонад, ки оқибат зимни камтарин осеб хунравии дарозмуддатро ба бор меорад. Бар илова, витамини К барои аз худ кардани калсийи устухон мусоидат мекунад.
Норасоии витамини К метавонад ба пӯкшавии устухон (остеопороз) – беморие, ки ҳангоми гирифторӣ ба он устухонҳо заъифу наҳиф мегарданд, оварда расонад. Хушбахтона, чунин беморӣ хеле кам ба назар мерасад, аз ин рӯ организми солим ба витаминҳои иловагӣ ниёз надорад. Норасоии витамини К ҳангоми бемориҳои сангини ҷигар ва ғадуди зери меъда пайдо мешавад. Ҳамчунин истеъмоли мудовими антибиотикҳо метавонад ба норасоии витамини К сабаб шавад. Барои аз худ кардани организм витамини К ва доруҳоеро, ки сатҳи холестеринро кам мегардонанд, монеъ мешаванд. Афроде, ки доруҳои зиддиинъиқодӣ (антикоагулярӣ) истеъмол мекунанд, дар маърази хатари мубталошавӣ ба бемории устухонпукӣ қарор доранд, зеро истеъмоли ин дору таъсири витамини К-ро ба сифр баробар мекунад.
Организми инсонӣ қодир нест, ки ба танҳоӣ витамини К ҳосил кунад. Аз ин рӯ, миқдори ин витаминро мешавад бо истеъмоли маҳсулоте, ки онро дар таркиб доранд, таъмин кард. Кабудиҳои баркпаҳн, амсоли брокколи, карам, исфаноҷ дар таркибашон витамини К-ро хеле зиёд доранд, ҳамчунин дар таркиби қулфинай (клубника), равғани соя ва бархе аз дигар маҳсулоти ҳосилшуда аз ҳайвонот (масалан, тухми мурғ ва ҷигари гов) ин витамин фаровон аст.
Бо истеъмоли маҳсулоти дорои витамини К устухонҳоятонро қавӣ бигардонед
Маълумоти муфидтар барои сиҳатии шумо инҷост:
Парҳези сабз – парҳези солим аст
Сабзавоти зард – давои беҳтарин барои чашм ва пӯсти Шумо
Нет комментариев