Имрӯз дар толори кофронсии бинои асосии Филиали Суғдии Ширкати Tcell муаррифии навгониҳои хизматрасониҳои тиҷоратӣ баргузор гардид. Дар он беш аз 60 нафар муштариёни ширкат — роҳбарону намояндагони идораву ташкилот, корхонаву муассисаҳо ва ширкату коргоҳҳои истеҳсолӣ, ҳамзамон, роҳбарият ва намояндагони Ширкати Tcell иштирок намуданд.
Дастаи Медиапортали «Тироз» низ бо даъвати ташкилкунандагон дар ҷараёни муаррифӣ ширкат варзид. Зеро, Ширкати Tcell ҳамкори доимию мустаҳками барномаҳои ҶДММ ШТРР «Тироз» ва «Тирози Ҷавонӣ» ба ҳисоб меравад. Яъне, аз рӯзҳои нахустини фаъолият (беш аз 15 сол), Ширкати Tcell ҳамкори басамар ва доимии барномаҳои «Тироз» мебошад.
Ҳадафи асосии вохӯрӣ ин пешниҳоди маълумот доир ба Ширкат дар умум ва шӯъбаи В2В, дар бораи хизматрасонӣ ҷиҳати рушди тиҷорат (бизнес)-и Шумо, доир ба тағйироти охирин дар тарифҳои В2В буд.
Сароғоз Директори Филиали Суғдии ҶСП «Индиго Тоҷикистон» Нурматов Ҷаъфар Насриддинҷонович ҷамъомадагонро хайра мақдам гуфта, изҳори сипос намуд, ки маҳз Ширкати Tcell-ро интихоб карда, аз хизматрасониҳои мухталифи он ҳамарӯза истифода мебаранд. Ҷ.Нурматов қайд кард, ки дар асоси натиҷаи пурсиши афкор 86 фоизи мардум ба Ширкати Tcell бовар доранд ва бо истифода аз хизматрасониҳои он муаммоҳои хешро саривақт ҳал менамоянд.
Ширкат ба садҳо корхонаву муассиса, ташкилоту ширкат ва коргоҳҳои истеҳсолии вилояту ҷумҳурӣ хизмат мерасонад. Асрори ба комёбиву муваффақиятҳо ноил шудан фаъолияти ширкат таҳти шиори «Боз ҳам наздиктар!» ва аз рӯи талаботи «Аз дархосту интизориҳои муштариён бештар кор кардан!» мебошад.
Менеҷери кор бо муштариёни корпоративӣ Ойбек Тӯрақулов зимни муаррифии шӯъбаи В2В тавассути проектор гуфт, ки сифати баланди хизматрасонӣ сабаби он гардид, то шумораи муштариён афзуда, бизнес-маҳсулот ва сегментҳо рушд ёбанд.
Супервайзери гурӯҳи коропоративии ширкат оид ба кор бо муштариён
Аҳмадҷон Юсуфов, доир ба пешноҳодоти тиҷории босамар аз мисоли:
Супервайзери гурӯҳҳо оид ба ҷалби тиҷорати хурду миёна Ёдгор Қорибобоев дар бобати сиёсати тарофаҳо сухан карда, чанд тарофаи нави Ширкати Tcell-ро муаррифӣ намуд. Тарофаҳои нав, ба монанди «Тиҷорат-3», «Тиҷорат-10», «Соҳибкори хурд», «Соҳибкори миёна» барои шаҳрвандони имконияти молиявиашон гуногун равона гардида, имтиёзҳои ба худ хос доранд, — мегӯяд Ё Қорибобоев:
Тафсилоти муфассали тарофаҳо:
Ҳоло пораеро аз барномаи «Матриса», ки аз ҷониби кормандони ҶДММ ШТРР «Тироз» омода ва манзур гардида буд, пешниҳоди Шумо менамоем:
Дар муҳокимаву баррасии навгониҳо коршиносон, муштариёни доимӣ ва кормандони Ширкати Tcell иштирок намуданд.
Барои шавқовару хотирмон ва хеле муфид гузаштани муаррифии навовариҳо пас аз ҳар як муаррифӣ бо иштирокчиён саволу ҷавоб сурат гирифт. Ба нафароне, ки посухҳои дуруст доданд, Ширкати Tcell тӯҳфаҳои махсуси арзишнок тақдим намуд.
Ҳамин тавр, муаррифии навгониҳои хизматрасониҳои тиҷоратии Ширкати Tcell барои ҷамъомадагон хеле муфид ва боиси қабулу истифода дониста шуд.
Муштариёни иштирокдошта дар самти минбаъд низ истифода кардан аз хизматрасониҳои тиҷоратӣ ва тарофаҳои нави Ширкати Tcell розигиву омодагии хешро баён намуданд.
Нет комментариев