Тедди Ринер ҷудокори бисту хаштсолаи Фаронса шоми дуюми сентябр ғолибияти нухуми худро дар чемпионатҳои ҷаҳон оиди намуди гуштини ҷудо дар шахри Будапешт ба даст овард. Тедди дар рақобати ниҳоӣ варзишгари ҷавон ва умедбахши Бразилияро шикаст дод. Ҳамакнун Тедди Ринер шурӯъ аз соли 2010 инҷониб ягон маротиб мағлуб нагардида, 2 карат чемпиони бозиҳои Олимпӣ (Лондон-2012 ва Рио-2016) ва 9 карат чемпиони ҷаҳонро мансуби номи худ гардонидааст. Ҳануз аз соли 2008 инҷониб дар мусобиқотҳои касбӣ Тедди Ринер ду маротиб мағлуб гардида буд, аввалин маротиба 15 августи соли 2008 дар рақобати нимниҳоии бозиҳои олимпии Пекин аз Абдулло Тангриеви ӯзбекистонӣ ва 13 сентябри 2010 дар финали чемпионати ҷаҳон дар категорияи мутлақ аз Дайки Камикаваи ҷопонӣ. Ба ақидаи мутахассисон то бозиҳои олимпии Токио 2020 Тедди шикастнопазир хоҳад боқӣ монд зеро то кунун ягон рақиби сазоворро дар вазни худ надорад.
Манбаъ: сомонаи расмии «Варзиш-тв»
Нет комментариев