Доланд Трапм Раис Ҷумҳури Америко эълом кард, ки ҳафтаи оянда, қонуни наве дар бораи муҳоҷират қабул хоҳад кард. Аммо маълум нест, ки ин қонуни нав кадом ҷанбаҳоро дар бар мегирад.
Ин қонун метавонад вазъияти пурошӯбро дар дохил ва хориҷи Амрико ба танзим дарорад. «Мо дар марҳилаи содир кардани қонунҳои нав ва фарогире ҳастем, то аз миллатмон ҳимоят кунем», гуфтааст Доланд Трамп.
Ӯ дар идома бо интиқод аз расонаҳои Америко пардохта, онҳоро «ғайри дақиқ» тавсиф кардааст, ки «Кори моро нодида гирифта, моро душмани Амрико унвон кардаанд. Кори мо оқилона ва дақиқ аст, ҳамаи амаламон ба хотири ҳифзи миллатамон аст», гуфтааст Президенти Амрико.
Чанде пеш Трамп қонунеро ба тавсиб расонида буд, ки вуруди шаҳрвандони ҳафт кишвари мусалмоннишин ба хоки Амрико то се моҳ манъ мешавад. Дар ҷомеаи ҷаҳонӣ ин қонунро «рӯй ба сӯи миллатагроӣ» унвон карда буданд, аммо аз тарфи додгоҳи Амрико қабул нашуд ва то ҳол дар боздошт қарор дорад. Дар ҳоли ба амал даромадан, шаҳрвандони Эрону Ироқ, Либияву Сомалӣ ва Судону Яман ҳақи ворид шудан ба Амрикоро надоранд.
Нет комментариев