Имрӯза мо ба шумоён оид ба интихоб ва истифодабарии турбтароши металлии чортарафа маълумот медиҳем
Ҳанӯз дар замонҳои қадим одамон фаҳмида буданд, ки маводи хӯроквории майдакардашуда тезтар мепазад. Ба сифати турбтарошҳои аввалин сангҳои гуногунҳаҷм ва теғҳои тези дарахтон истифода мешуданд.
Аввалин маълумот оид ба турбтароши муосир дар намоиши соли 1901, ки дар шаҳри Буффало гузаронида шуда буд, дастрас шудааст. Дар соли 1956 сокини Олмон Альфред Бернер турбтароши навро ихтироъ намуд, ки бо воситаи он меваю сабзавотро бо шаклҳои гуногун реза кардан мумкин буд.
Имрӯзҳо шумо метавонед дар бозору мағозаҳо турбтарошҳои металлии ба табъи худ мувофиқро интихоб намоед. Онҳоро ширкатҳои «Никис, Факельман, Мультидом, Элсе, Хоум Куин, Вива» истеҳсол мекунанд. Онҳо сифати хуб дошта, ба талаботи стандартӣ мувофиқат мекунанд. Нархи гарон ҳам надоранд. Дар истифода хеле қулай ҳастанд. Турбтароши металлии чортарафаро ба рӯи ягон зарф гузошта, меваю сабзавоти дилхоҳро тарошидан осонтар аст.
Ҳангоми харидорӣ намудани турбтароши металлии чортарафа ҳатман ба теғҳои дандонаҳояш аҳамият диҳед. Онҳо бояд, ки тез бошанд. Дар вақти истифода бурдан ҳатман ба қоидаҳои бехатари риоя кунед, аз ҷумла, ба гап овора нашавед, то ки панҷаҳои шумо осеб набинанд.
Агар бо мурури замон, баъди чанд маротиба истифода бурдан, турбтарош занг занад, пас маълум мегардад, ки онро аз маводи бесифат истеҳсол намудаанд. Дар хотир доред, ки чунин турбтарошро истифода бурдан мумкин нест.
Бо воситаи турбтарош Шумо, метавонед хуришхои гуногуни болаззатро тайёр кунед, ки дар фасли сармо ба саломатиатон фоидаовар ҳастанд.
Ин буд чанд маслиҳатҳои портали «Тироз» оид ба интихоб ва истифодабарии турбтароши металлии чортарафа. Агар онҳо ба шумо каме бошад манфиат оваранд, мо хушҳол мегардем.
Нет комментариев