Туркия ва Тоҷикистон аз 1 январи соли 2022 маҳдудиятҳои раводидро лағв карданд. Дар ин бора вазири саноат ва технологияи Туркия Мустафо Варанк иттилоъ додааст, хабар медиҳад RestProperty.ru
Қобили зикр аст, ки Тоҷикистон шарики аслии Туркия дар Осиёи Марказӣ маҳсуб шуда, гардиши мол миёни ин кишварҳо дар 11 моҳи соли ҷорӣ 362 миллион доллари амрикоиро ташкил додааст.
Ҳоло кишварҳо созишномаи иборат аз 17 банд имзо кардаанд. Ҳамаи онҳо ба мустаҳкам намудани муносибатҳои тиҷоратӣ нигаронда шудаанд. Ҳамчунин, миёни утоқҳои бозаргонӣ ва саноати ду кишвар як ёддошт ва созишнома дар бораи ҳамкорӣ дар соҳаи саноати сабук ба имзо расид.
«Бекор кардани раводид як қадами дуруст ва мантиқист. Ҳоло шаҳрвандони мо метавонанд бидуни маҳдудият ба Тоҷикистон сафар кунанд ва ман итминон дорам, ки ин муносибатҳои моро боз ҳам таҳким бахшида, халқҳои моро ба ҳам наздиктар мекунад”, — таъкид кард Варанк.
Тибқи қарори нави ҳукумати ҶТ, аз 1 январи соли 2022 барои шаҳрвандони 52 кишвари ҷаҳон низоми якҷонибаи бидуни раводид барои вуруд ба ҷумҳурӣ ҷорӣ мешавад.
Қобили зикр аст, ки Тоҷикистон аз соли 2022 барои шаҳрвандони 52 кишвари ҷаҳон низоми бидуни раводид ҷорӣ мекунад. Муҳлати будубоши ин гуна шахсон дар қаламрави Тоҷикистон мувофиқи фармони дар боло зикршуда 30 рӯз муқаррар шудааст.
Австралия
Аморати Муттаҳидаи Араб
Люксембург
Давлати Бруней
Давлати Қувайт
Давлати Қатар
Зеландияи Нав
Иёлоти Муттаҳидаи Амрико
Исландия
Канада
Конфедератсияи Швейтсария
Малайзия
Венгрия
Ҷумҳурии Австрия
Ҷумҳурии Аргентина
Ҷумҳурии Федеративии Олмон
Ҷумҳурии Доминикан
Ҷумҳурии Индонезия
Италия
Ҷумҳурии Корея
Ҷумҳурии Куба
Ҷумҳурии Латвия
Ҷумҳурии Литва
Молдив
Ҷумҳурии Польша
Ҷумҳурии Португалия
Ҷумҳурии Сингапур
Ҷумҳурии Туркия
Ҷумҳурии Филиппин
Ҷумҳурии Финляндия
Ҷумҳурии Франция
Ҷумҳурии Хорватия
Ҷумҳуриӣ Чех
Чили
Ҷумҳурии Демократии Сосиалистии Шри Ланка
Ҷумҳурии Эквадор
Ҷумҳурии Эстония
Ҷумҳурии Юнон
Князии Лихтенштейн
Князии Монако
Шоҳигарии Арабистони Саудӣ
Шоҳигарии Баҳрайн
Подшоҳии Белгия.
Шоҳигарии Дания
Шоҳигарии Испания
Шоҳигарии Нидерландия
Шоҳигарии Норвегия
Шоҳигарии Таиланд
Шоҳигарии Ҳошимии Урдун
Подшоҳии Шветсия
Ямайка
Япония
Ҳамчунин, бар асоси як қарори дигари ҳукумати ҶТ, 14 кишвар ба феҳристи давлатҳои хориҷие, ки шаҳрвандонашон ба тариқи содда ҳуқуқи гирифтани раводид доранд, шомил шудаанд.
Подшоҳии Камбоҷа
Подшоҳии Бутан
Ҷумҳурии Гандурас
Ҷумҳурии Кабо-Верде
Ҷумҳурии Никарагуа
Ҷумҳурии Гана
Ҷумҳурии Камерун
Ҷумҳурии Бенин
Ҷумҳурии Муттаҳидаи Танзания
Ҷумҳурии Кения
Ҷумҳурии Халкии Демократии Лаос
Ҷумҳурии Конго
Ҷумҳурии Халқии Бангладеш
Буркина Фасо.
Аз рӯйи маводи “Sugdnews.com”
Нет комментариев