Дар курсии маъюбӣ нишаста, ба таври дилхоҳ рақсидан номумкин аст, агарчанде хоҳиши ниҳоят сахт дошта бошед ҳам. Устоди рақс ва корманди Донишгоҳи Флорида Мерри Линн Моррис, ки падараш маъюби курсинишин буд, хуб дарк мекард, ки ҳаёти маъюбон чӣ қадар сангин аст. Ӯ дар донишгоҳ кор карда истода, хамзамон фаъолияти гурӯҳи рақсиро, ки ҳайати он аз одамони имконияташон маҳдуд иборат буд, пеш мебурд Ӯ медид, ки маъбон ба таври дилхоҳ дар курсии маъюби рақсида наметавонанд ва ҳамеша маҷбуранд тавассути дастон идора кардани курсиро идома диҳанд. Ин чиз ба маъюбон имкон намедод, ки озодии рақс ва ҳаракатҳоро комилан эҳсос намоянд. Аз ин рӯ, Моррис чӣ тавр осон намудани мушкили онҳоро фикр карда баромад, то ки маъюбон аз рақсидан ҳаловат баранд ва барои ин ҳарчӣ камтар қувва сарф кунанд.
Дар соли 2006-ум Моррис ҳамҷоя бо гӯрӯҳи муҳандисон барои коркард намудани курсии рақсанда соҳиби грант аз донишгоҳ гардид. Пас аз коркард намудани якчанд намуди курсии рақскунанда Моррис ниҳоят курсии тайёрии рақсандаи маъюбиро намоиш дод, ки он дорои 4 чархбол буд ва ин чиз барои дар самти дилхоҳ озодона ҳаракат кардани маъюб имконият медод ва ҳамчунин кори дастон дигар лозим намешуд. Идора кардани ин фароғаткурсии маъюбӣ тавассути дастгоҳи беноқили портативӣ бо гироскоп амалӣ карда мешавад, ки он ба қисми сар ва ё сатҳи сутунмӯҳра пайваст карда мешавад. Дар видеои намоишӣ ин гуна дастгоҳ ҷои смартфонро гирифта метавонад. Вақте, ки сар дар самти муайян меҷунбад, смартфон ин ҳаракатҳоро дарёфт намуда, онро ба гурӯҳи кории курсӣ интиқол медиҳад.
Ҳоло Мерри Линн Моррис якҷоя бо дастаи корӣ аз болои тафсири нави курсии рақсанда барои маъюбон кор карда истодааст ва коркардчиёни ин лоиҳа умедворанд, ки ин курсии нав арзон ва барои бисёрии одамон дастрас мегардад.
Сарчашма: http://24hitech.ru/horeograf-iz-ssha-razrabotala-tancevalnoe-kreslo-dlia-invalidov.html
Нет комментариев