Бо қарори Раиси Шӯрои Ассамблеяи байнипарлумонии кишварҳои Иттиҳоди Давлатҳои Мустақил /ИДМ/, раиси Шӯрои Федератсияи Россия Валентина Матвиенко иддае аз вакилони палатаи поёнии Парлумони Тоҷикистон бо медали ҷашнии Ассамблеяи байнипарлумонии Иттиҳоди Давлатҳои Мустақил («МПА СНГ.25 лет») сарфароз гардиданд. Медалҳои ҷашниро Раиси Маҷлиси намояндагон Шукурҷон Зуҳуров 28 июн дар маросими ботантана ба намояндаи комилҳуқуқи Пешвои миллат, Президенти Ҷумҳурии Тоҷикистон дар Маҷлиси Олии Ҷумҳурии Тоҷикистон Маҳмадалӣ Ватанзода, вакилон Эмомалӣ Насриддинзода, Ҷӯрахон Маҷидзода, Шариф Раҳимзода, Рустам Латифзода, Лутфия Раҷабзода, Ҳилолбӣ Қурбонзода, Абдураҳим 
Холиқзода, Шарофиддин Сироҷов, Мирзодавлат Сабурзода, Ҷаббор Ахмедов, муовини аввали Роҳбари дастгоҳи Маҷлиси намояндагон Таваккал Зарипов, мудири котиботи дастгоҳи Маҷлиси намояндагон Хурсандмурод Саидмуродов супорид. Ҳамзамон Шукурҷон Зуҳуров ба вакилони Маҷлиси намояндагон Толиб Бухориев, Олим Бобоев, Сафаралӣ Раҷабов, Ҷамшед Саидов, Мирзоанвар Ахмедов, Абдуалим Ғаффоров, Амрихудои Дамдор, Баҳром Абдуҳалимов «Нишони хотиравӣ»-и Ассамблеяи байнипарлумонии ИДМ-ро тақдим намуд.
Манбаъ: www.khovar.tj
Нет комментариев