Дар футболи толори  барои дарёфти «Ҷом» байни 14 дастаҳои ташкилотҳои низоми бонкии вилоят  таҳти унвони «Барои футболи ростин, зебо ва боадолат» дар Маркази солимгардонии наврасон ва ҷавонони «Шоҳин»-и ш. Қароққум баргузор гардид. Ба гуфти масъулин риояи қоидаи бозӣ ва эҳтироми ҳамлагарии бозингарон дар мусобиқа дар  мадди аввал аст. Мусобиқа бо ташаббуси  Шӯъбаи минтақавии Бонки миллии Тоҷикистон дар ш. Хуҷанд, бахшҳои Бонки давлатии амонатгузории ҶТ «Амонатбонк» ва Ҷамъияти саҳомии кушодаи «Агроинвестбонк» ба роь монда шудааст. Ба гуфти сардори филиали ҶСК «Агроинвестбонк» дар вилоят Муҳаммадҷон Икромов ҳадаф аз ташкили мусобиқа ҷорӣ кардани тарзи ҳаёти солим ва ба варзиш ҷалб кардани кормандони бонк мебошад. Мусобиқаи мазкур  то 18 март идома мекунад. Дастаи ғолиб бо Ҷоми мусобиқа ва дигар иштироккунандагон бо мукофотҳои пулӣ сарфароз карда мешаванд. Дар ин бора хабарнигори радиои Тироз иттилоъ медиҳад.