Моҳи январи соли 2015 ба шабакаи иҷтимоии руссиягии “ВКонтакте” 5,655 миллион нафар истифодабарандагони нави беҳамто номнавис шуданд. Дар ин бора котиби матбуотии “Вконтакте” Георгий Лобушкин дар саҳифаи Facebook маълумот додааст.
Дар шарҳу эзоҳҳояш Лобушкин таъкид намудааст, ки шумораи дақиқи сабтшудагон дар моҳи январ 5 654 697 нафарро ташкил намуда, сухан дар бораи на ин ки ботҳо балки одамони воқеӣ меравад.vЗеро, номнависшавӣ дар шабакаи иҷтимоӣ бидуни рақамҳои телефонӣ имконнопазир аст. Тавре ӯ мегӯяд, аксарияти мутлақи истифодабарандагони нав дар ИДМ зиндагонӣ мекунанд.
Ҳамчунин Лобушкин иброз намудааст, ки ширкат натавонистааст, сабабҳои афзудани номнависшавиҳои навро муйян созад. “Мо хостем сабабҳои онро фаҳмем-заминаи кушоду равшан вуҷуд надорад. Нишондоди баланд (аз миёна боло) дар Туркия ва Хитой мушоҳида гардид. Аммо куллан афзоиши асосӣ дар Руссия ва ИДМ мебошад”,-навиштааст номбурда.
Тибқи маълумотҳои худи шабакаи иҷтимоӣ, шумораи умумии истифодабарандагони он, айни замон аз 290 миллион нафар одамон зиёд шудааст. Ҳамин тавр, афзоиши шунавандагон дар моҳи январи соли ҷорӣ тахминан 2%-ро ташкил намудааст.
Ҷоизи қайд аст, ки моҳи январ ҳамчунин бо ду камбудиҳои бузургаш дар кори “ВКонтакте” хотирмон буд. Аввалини он 10 январ ва дигаре 24 январ ба вуқӯъ пайваст. Дар ҳамаи ин ду ҳолат сабабгори асосӣ, носозии техникӣ арзёбӣ гардид.
Сарчашма : matrix-tv.tj
Нет комментариев