Дар вилоят маъракаи ниҳолшинонӣ, бунёду навсозиии боғҳо ва шинонидани ниҳолҳои мевадиҳанда муташаккилона ҷараён дошта, дар ин самт корҳои зиёд ба анҷом расонида мешавад.Корҳои бунёдкорӣ дар маркази вилоят шаҳри Хуҷанд низ вусъати тоза гирифта, дар баъзе аз мавзеъҳо, аз ҷумла дар шафати роҳи асосӣ ниҳолшинонӣ идома дорад. Дар ин мавзеъ ниҳолҳои ардач шинонида шуда, кабудизоркуниву гулкорӣ низ ба роҳ монда мешавад.
Бояд гуфт, ки дарахту буттаҳои шафати роҳи пули асосии шаҳр хушкида буданд ва давоми ду ҳафтаи охир кормандони идораи хоҷагии манзили шаҳри Хуҷанд ин мавзеъро тоза ва барои шинонидани ниҳолҳои нави ҳамешасабз омода намуданд.
Зимни як боздид Раиси вилоят Абдураҳмон Қодирӣ дар маъракаи ниҳолшинонии маҳалллаи Сирдарё иштирок намуд ва бо нақшаи навсозии ин мавзеъ шинос шуд. Дастур дода шуд, ки дар ин мавзеъ ниҳолҳои ҳамешасабз ба монанди ардач шинонида ва парвариш карда шавад. Барои зебосозии минтақа шинонидани намудҳои гуногуни гулҳо мувофиқти матлаб арзёбӣ гардид. Тибқи лоиҳа дар ду тарафи роҳи купруки марказии шаҳр 60 бех ниҳолҳои 4 сола ва 5 сола шинонида шуда, атрофи он бо панҷара иҳота хоҳад шуд. Ҷоизи зикр аст, ки то имрӯз дар маркази вилоят — шаҳри Хуҷанд наздик 3 ҳазор бех ниҳолҳои ҳамешасабз шинонида шудааст. Дар назар аст, ки то фасли баҳор зиёда аз 100 ҳазор бех дарахтони сояафкану ҳамешасабз шинонида шавад. Алҳол дар вилоят маъракаи ниҳолшинонӣ вусъати тоза гирифта, дар ин самт ба афзун намудани дарахтони мевадиҳанда, аз қабили навъҳои гуногуни зардолу, шафтолу олу, гелос ва ғайра таваҷҷӯҳи махсус зоҳир карда мешавад. Дар ин бора sugd.tj хабар медихад.
Бигзор шахрамон хамеша гул-гул шукуфон бошаду хамеша шахр чавон бимонад
Бо корхои бунёдкори ранги шахр боз хам дигаргун мешавад
Рахмат,ки хамаи ин хабархоро дастраси мо мегардонед