Аллакай то соли нав мессенҷери маъруфи WhatsApp дар смартфонҳои бо тафсири кӯҳнаи системаи оператсионии Android, iOS ва Windows Phone буда кор карданро бас мекунад. Дар ин бора коркардчиёни замима, ки он ба Facebook мансуб аст, ҳанӯз моҳи феврали соли 2016-ум дар блог огоҳ кадар буданд, вале он вақт ин хабар дар шакли васеъ паҳн нашуда буд.
«Дар давоми 7 сол мо мехоҳем, ки ҳама кӯшишу заҳмати худро ба пойгаҳҳои мобилӣ, ки бисёрии одамон аз онҳо истифода мебаранд, равона созем. Ҳамин тавр, то охири соли 2016-ум мо дастгириёбии WhatsApp Messenger-ро дар пойгаҳхои мобилии зерин қатъ мегардонем:
BlackBerry ОС ва BlackBerry 10
Nokia S40
Nokia Symbian S60
Android 2.1 ва Android 2.2
Windows Phone 7
iPhone 3GS/iOS 6″
Дертар ин хабар нав карда шуда буд. Ба истифодабарандагон хабар доданд, ки пойгаҳҳои BlackBerry OS, BlackBerry 10, Nokia S40 ва Nokia Symbian S60 дар ин кор ба таъхир андохта шуданд. Дар ин пойгаҳҳо WhatsApp то санаи 30-юми июни соли 2017-ум кор мекунад. Даҳҳо миллион дастгоҳҳое, ки дар системаҳои оператсионии номбурда кор мекунанд, то ҳол дар тамоми ҷаҳон истифода бурда мешаванд.
Дар WhatsApp барои Android, iOS ва Windows видео зангзанӣ пайдо шудааст
«Барои мо қабул кардани чунин қарор мушкил буд, вале он зурур буд, зеро мо мехоҳем ба одамон роҳу воситаҳои нисбатан самарноки муоширатро бо дӯстонашон, оилаашон ва наздиконашон бо истифода аз WhatsApp фароҳам орем. Агар Шумо аз дастгоҳҳои мобилии дар боло номбаршуда истифода мебурда бошед, пас мо тавсия медиҳем, ки то охири соли 2016-ум онҳоро ба телефонҳои нисбатан нави Android, iPhone ва Windows иваз намоед, то ки аз WhatsApp истифода бурданро идома дода тавонед», гуфта шудааст дар блоги мессенҷер.
Сарчашма: WhatsApp
Нет комментариев