Болои мавҷи баҳрҳо шино кардан ба шарофати вейкборди барқӣ боз ҳам машҳуртар хоҳад шуд. Тахтаи Radinn аз нахи сабуки углеродӣ қодир аст, соҳиби худро дар рўи окен аз рўқи суръати то 46 километр дар як соат барад. Онҳое, ки хоҳиши бо суръат дар рўи об шино карданро доранд, минбаъд катер лозим намешавад.
Дар фестивали қаиқҳои Канн, ки оғози ин моҳ баргузор шуд, дизайнерҳои швед тахтаи барқиии дар рўи об шинокунандаро пешниҳод карданд. Вейкборди нав дар фурўши чакана 15 000 евро арзиш дорад. Фурўши он соли оянда сар мешавад.
Муаллифи Radinn вейкбордисти швед Филипп Вернер тахтаи барқиро ҳанўз соли 2012 замони таҳсил дар Донишгоҳи Лунди Шветсия ихтироъ карда буд. Ба татбиқи лоиҳааш ба ў дўстони муҳандисаш кўмак карданд. Моҳи маи соли равон аввалин вейкборди барқӣ ба аҳли ҷомеа пешниҳод шуд.
Тахтаи Radinn бо таҷҳизоти қувваи реактивӣ, ки ба оби шўри баҳр пурдошт ва маҷмўи батареяҳои литӣ муҷаҳҳаз буда, он дар бокси обногузар ҷойгир карда шудааст. Вазнаш наздик 29 килограмм буда, ҳаҷми он чандон калон нест. Онро бемалол дар автомобил ё қаиқ ҷой кардан мумкин аст.
Электровейкборди муосир дорои суръати 46 км дар як соат буда, суръат бо пулти фосилавии идоракунӣ танзим карда мешавад. Аммо, истеҳсолкунанда нусхаи ахирон дорои суръати боз ҳам тезтар хоҳад буд.
Видео: https://vimeo.com/106899043
Ҳангоми истифодаи Radinn бо тамоми иқтидораш қувваи як батарея ба 30 дақиқа басандагӣ мекунад. Аммо, мутахассисон нисбати боз ҳам хубтар намудани ин нишондод кор карда истодаанд,- навиштааст, рўзномаи Daily Mail.
Radinn- калимаи ихтисоршудаи Radical Innovation буда, тарҷумааш аз забони англисӣ «инноватсияи радикалӣ»-ро мефаҳмонад.
Қабл аз қабули фармоишҳои пешакӣ ширкат ният дорад вейкбордро боз ҳам аз чанд санҷишҳои иловагӣ гузаронад, ки оғози соли 2015 ба истеҳсолот ворид карда мешавад.
Қайд кардан зарур аст, ки Radinn тахтаи аввалин бо таҷҳизготи реактивӣ нест. Дар гузашта як ширкати олмонӣ мотори барқиро барои насб кардан ба тахтаҳои баҳрӣ ба маблағи 13 600 евро истеҳсол кардааст.
Ба дўстдорони истироҳату маишат мумкин аст, ҳамзамон таҷхизоти худпарвози Airdog низ маъқул шавад. Таҷҳизот бе соҳибаш парвоз мекунад. Аммо, қаҳрамониҳои таҷҳизот дар камераи GoPro сабт мегардад. Ин иловаи хеле олиҷаноб ба Radinn аст.
Сарчашма: http://hi-news.ru/
Нет комментариев