Замимаҳои беҳтарин барои дучархаронҳо

Барои нафароне, ки дучарха меронанд, замимаҳои гуногуни мобилӣ вуҷуд доранд. Баъзе аз ин замимаҳо барои ҳарақат намудан кӯмак мерасонанд. Дучархаронҳо низ аз функсияи ин замима хушашон меояд.

Ҳоло дар зер замимаҳоеро пешкаш менамоем, ки барои iPhone коркард шудаанд.

Runtastic Road Bike PRO

Яке аз беҳтарин замимаҳо барои дучархаронҳое мебошад, ки дар маҷмӯъ зиёда аз 50 функсияро дар бар мегирад. Ин замима барои ҳавасмандон ва варзишгарон пешкаш мешаванд. Runtastic Road Bike Pro натиҷаҳоро дар давоми ҳаракат нишон медиҳад (вақт, масофа, суръат, калория, баландива ғайраҳо), инчунин маълумот дар бораи обу ҳаво, минтақаи географӣ ва дигарҳоро мебарорад.

Барнома бо нишондиҳандаҳои беруна низ кор мекунад. Бо ёрии харитаи Google Maps маълумотҳои пешинаро дидан мумкин. Ғайр аз ин Runtastic Road Bike Pro плеери мусиқави, функсияи авто пауза ва алоқаи овозии сифатнок дорад.

Аз ин ҷо замимаро кашидан мумкин: Runtastic Road Bike PRO для iPhone (App Store)

VeloPal — яке аз замимаи беҳтарин барои дучархаронҳо мебошад. Бо ёрии ин истифодабарандаи iPhone ҷои қарор доштаашро дида метавонад. Инчунин баландӣ, масофаи тай намудааш, миқдори калорияи сарфшуда, суръат ва вақтро ҳисоб мекунад. Ҳамаи ин маълумот дар хотира нигоҳ дошта мешавад ва дар вақти дилхоҳ дучархарон онро дида, таърихи сафар, харитаи ҷойҳои гузаштааш, бо дигар нишон додҳо муқоиса карда метавонад. Барномаро дар ҳолати фавқулодда истифода бурда мешавад ва дар ин вақт мусиқӣ низ гӯш кардан мумкин аст.

Аз ҳама хурсандиовараш он аст, ки ин барнома ройгон мебошад. Онро метавон аз ин ҷо кашида гирифт: VeloPal для iPhone (App Store)

Map My Ride+

Ин замимна аз тарафи офарандагони Map My Run сохта шудааст. Бо функсияҳояш ба VeloPal монанд аст, дар ин низ нишондиҳандаи калория, масофа ва вақти тай намудани он ҳаст. Барнома дар ҳолати фавқулодда низ кор карда метавонад, лекин он кӯмакрасон дорад, ки мутобиқи маълумоти ҷамъ оварда, машқро бо маҳсул ташкил мекунад.

Аз ин ҷо метавонед кашида гиред: MapMyRide+ для iPhone (AppStore)

Cyclemeter

Замимаи дучарха буда бо ҳама гуна функсияҳо муҷаҳҳаз карда шудааст ва яке аз беҳтаринҳо барои iOS ба ҳисоб меравад. Мутобиқи маълумоти ҷамъ гардида, мизоҷ метавонад диаграмма, графика созад, оморро ташкил диҳад, ҳисобот барорад. Cyclemeter бо якчанд хабардиҳандаҳои овозӣ муҷаҳҳаз шудааст. Бо ин маълумотҳо дӯстонатон ва наздиконатонро ошно карда метавонед. Дар ин ҷо низ кӯмакрасон ҳаст, ки мутобиқи маълумотҳо ба шумо маслиҳатҳои муфид дода метавонад. Маълумотҳои ҷамъ карда ба форматҳои гуногун аз ҷумла .CSV, .KVL ва дигарҳо мутобиқ кардан мумкин.

Аз ин ҷо кашидан мумкин: Cyclemeter для iPhone (AppStore)

Strava

Ин замима на танҳо барои дучархаронҳо, балки барои давандҳо низ қулай мебошад. Аммо назар ба дигар замимаҳо бо функсияи баҳисобгирии тапиши дил ва сарбории ҷисм фарқ мекунад. Ғайр аз ин тариқи замима ба шабакаи иҷтимои махсуси варзишгарон даромада ва дар ин ҷо бо натиҷаҳои худ дигаронро ошно карда бо онҳо мусобиқа ташкил кардан имкон дорад. Дар Facebook ва Twitter самтҳои тайкардаатонро нишон дода метавонед.

Аз ин ҷо кашида гирифта метавонед: Strava для iPhone (AppStore)

iBiker

Фарқияти асосии ин замима аз дигарон ин доштани ҳамкорӣ бо ҳама намуди лавозимотҳо мебошад, ки ҳатто барномаҳои мушкил чунин амал надоранд. Ғайр аз лавозимотҳо iBiker бо компютерҳои ҳамрогир, бахусус бо Polar, Adidas, Fitbit, Jawbone UP, BLE Foot Pod кор карда метавонад, масалан RunKeeper ё MyFitnessPal.