Имрӯзҳо дар қаламрави шаҳру навоҳиҳои вилоят ҷавонони хушсадо, ки байни мардум шӯҳрати беандоза пайдо карда истодаанд, хеле зиёд аст. Занҳо ва духтарҳо низ кӯшиш ба харҷ дода истодаанд, ки маҳорати хешро дар ҷодаи санъат нишон диҳанд.

Имрӯз дар барномаи “Ҳамроз” хостем ба ҳайси меҳмон Зарнигори Зарро даъват намоем.

—Нахуст салом ва Шуморо хушомадед мегӯям.

Зарнигори Зар: Салом ба  кулли мухлисону ҳаводорони  радиои Тироз.

 —Ҳама мухлисони Шумо шояд ҳайрон ва пурсон шаванд, ки барои чӣ шумо Зарнигори Зар ҳастед?

Зарнигори Зар: Бале, номи ман Зарнигор аст Зар бошад аз оғози номи модарам Заррина гирифта шудааст, яъне Зарнигори Зар. Мехостам аввал Зарнигори Заррин бошам, лекин ба як қарори қатъӣ омадам, ки бигзор Зарнигори Зар бошам.

—Зарнигор мегуфтед, ки фаъолияти эҷодии Шумо аз кадом сол сарчашма мегирад?

Зарнигори Зар: Аввалин қадами ман дар ҷодаи санъат аз моҳи ноябри соли 2013 нумӯъ мегирад. Клипи худро ки  таҳти унвони “Ту ёрӣ ман буд” маҳз дар ҳамин сол эҷод ва пешкаши мухлисон гардонидам.

 —Хеле хуб, Шумо ки ҳоло хеле ҷавон ҳастед, дар бобати омода кардани клип, оҳангсозӣ ва матн ба Шумо кӣ ёрӣ медиҳад?

 Зарнигори Зар: Аввалин матни сурудамро худам эҷод кардам, сипас бо Маҳками Баҳриддин ва инчунин оҳангсоз Баҳодур ҳамкорӣ дорем. Ва он матнҳое, ки ман зама-зама мекунам азони Маҳками Баҳриддин аст.

—Савол аз ҷониби Шунаванда:  Орзуи сарояндагиро аз хурдӣ мепарастидед? Дар ҷодаи санъат Шуморо кӣ дастгирӣ кардааст?

 Зарнигори Зар: Дар ҷодаи санъат маро албатта модарам дастгирӣ карданд, ки дар оянда ба  қуллаҳои баланд парвоз хоҳам кард. Ва худ аз хурди дар дил орзуи сароянда шуданро мепарастидам, имрӯз чихеле, ки дида истодаед ман ба орзуи худ расидам.

 -Ба наздики барои мухлисон чӣ армуғон меоваред, пешаки гуфта метавонед?

 Зарнигори Зар: Армуғон хеле бисёр аст, ба наздикӣ як суруд бо клипи нав пешкаши мухлисон мегардад, танҳо мебоист онҳо онро мунтазир шаванд.

—Ба ҳама маълум аст, ки ҳар як шахс ба худ хос рафторро меписандад, хислати писандидаи шумо кадом аст?

 Зарнигори Зар: Пеш аз ҳама ростгӯӣ ва хоксориро меписандам. Лекин он шахсоне, ки аз қафои одам сухан мекунанд, мисли ғайбат намеписандам.

 —Таманниёти Шумо ба мухлисонатон?

 Зарнигори Зар: Ҳамеша дар хонадонашон хушиву хуррамӣ ва хурсандӣ бошаду ҳеҷ гоҳ ханда аз лабонашон дур нагардад.

 Истифодабарандагони азиз, муфассалтар дар бахши “Дурахши ситораҳо” Шуморо аз фаъолияту зиндагии Зарнигори Зар ошно месозем. Интизор шавед.