Қайроққум: Боғи нави фарҳангию фароғатӣ мавриди истифода қарор гирифт

0
128 просмотров

Барои сокинони шаҳри Қайроққум бунёди боғи нави фарҳангию фароғатӣ руйдоди муҳим дар арафаи ҷашни Истиқлолияти давлатӣ шуд.

Бо дастгирии мақомоти иҷроияи шаҳр ва кӯмаки соҳибкорону корхонаҳо дар маркази шаҳр боғи нави замонавӣ ба таври ҳашар бунёд ёфт. Ин иншооти фароғатӣ дар як гӯшаи нообод, дар масоҳати ҳафт ҳазор метри квадратӣ сохта шуда, ба макони дилкаш табдил ёфтааст.

Боғи навбунёд аз маҷмааи фаввораҳо, нишастгоҳу гузаргоҳҳои замонавӣ, шаршараву гулгашт ва саҳнаи барҳаво иборат мебошад. Абдураҳмон Қодирӣ дар ин макони истироҳатӣ парда аз рӯи муҷассамаи Модар бардошт, ки бунёди он дар Соли оила ва Соли рушди фарҳанг хеле рамзист.

Дар ифтитоҳи боғи нав аҳли фарҳанги шаҳр барномаи консертӣ намоиш доданд. Раиси вилоят ин руйдоди муҳими фарҳангиро барои сокинони шаҳр таҳният гуфт ва пешниход намуд, ки боғи нав 24-солагии Истиқлолият номгузорӣ карда шавад.

Ифтитоҳи макони бошукуҳи фароғатӣ бахусус барои ҷавонону наврасони ин шаҳри дӯстии халқҳо боиси хушнудиву нишот гардид.

Сокинони  соҳили Баҳри тоҷик аз вусъати корҳои ободониву созандагӣ дар шаҳр изҳори қаноатмандӣ доранд ва мегӯянд, ки ин ҳама пешрафту шукуфоӣ маҳз ба туфайли неъмати гаронбаҳо – Истиқлолият ва Ваҳдату ягонагӣ аст.

дар ин бора аз Хадамоти матбуотии раиси вилоят хабар медиҳад

Нет комментариев

Также рекомендуем

Сомонаи тоҷикии ФФТ

Федератсияи  футболи  Тоҷикистон  сомонаи тоҷикии  худро  рӯи  кор  овард. Назар ба  иттилои  хадамоти  матбуоти Федератсияи  футболи  Тоҷикистон,  рӯи  кор овардани  сомонаи тоҷикӣ  боз  як тӯҳфаи ...