Акнун баромадани дандон дар дилхоҳ синну сол имконпазир мегардад

0
247 просмотров

Кашфиёти беҳамтои профессори дандон аз  Донишгоҳи Колумбияи ИМА олами илмро ба ҳайрат овард. Маълум шуд, ки дар синну соли гуногун ҳам дандон баровардан мумкин будааст. Ин чиз ба мо имкон медиҳад, ки бидуни имплантанту дандонҳои сунъии ноқулай ҳам худро бо дандонҳои аслӣ роҳат эҳсос намоем. Мушкилӣ дар он аст, ки шинонидани имплантант талаб мекунад, ки мо якчанд маротиба назди дандонпизишк равем ва ин вақти зиёд дард, нороҳатӣ ва шамолкаширо ҳисс кунем.  Профессор Мао бошад, дар ин кор бо роҳи дигар рафт. Акнун Шумо мустақилона дандонро сабзонида метавонед.

Аллакай якчанд соли зиёд дар сарчашмаҳои зиёди иттилоотӣ мунтазам оиди дар ҷойҳои дандони носолим ё аллакай афтода имконпазир гардидани сабзонидани дандон хабарҳо ҷойгир карда мешаванд. Албатта ин гуна хабарҳо одамонеро, ки набудани дандон барояшон мушкилҳо пеш меорад, бефарқ гузошта наметавонад. Воқеан дар ин самт чӣ рӯй дода истодааст?

Чӣ хел дандонро сабзонидан мумкин аст?

Духтур технологияи сабзонидани дандонро дар ҷойҳои холии бедандон коркард намуд, ки ин усул дар соҳаи дандонпизишкӣ инқилоби куллие ба вуҷуд овард.

Ҷереми Мао аз маҳсулоти табиӣ қолиб сохт, ки шаклаш ба дандони ҳақиқӣ монанд буда, ба он маводи сабзонандаи дандонро ҷойгир намуд. Ӯ ин амалро дар ҳайвонот таҷриба кард, яъне ҳамин гуна қолибро ба ҷойи бедандони ҳайвонот шинонид. Сохти сӯрохчадори қолиб имкон дод, ки ҳуҷайраҳои танаи организми ҳайвон ба дохили он ворид шаванд.

Тақрибан пас аз 9 ҳафта дар ҳайвонҳои таҷрибашаванда дандонҳое сабзида баромаданд, ки хеле хуб аз нав барқарор шудаанд.

Аз рӯйи усули Мао ба ҷоғи бемор қолиби аз капролактон ва гидроксиапатит сохташуда шинонида мешавад, ки инҳо полимерҳои биомувофиқаткунанда маҳсуб меёбанд. Ин қолибро тавассути нашри секарата ба даст меоранд. Сохти он пурии сурохиҳои диаметраш то 200 мкм-ро дар назар дорад, ки бо моддаҳои махсуси пуркунанда пур карда мешавад ва ин моддаҳои махсуси пуркунанда мунтазамнокии сабзиши ҳуҷайраҳо (stromal-derived factor-1, SDF1) ва сафедаи устухони морфогениро (bone morphogenetic protein-7, BMP7) таъмин менамоянд.

Ин омилҳо ҳучайраҳои ҳоло назабзидаи беморро маҷбур месозанд, ки қатъиян дар самти ишорашуда бофтаи дандонҳоро коркард намоянд ва шакли дурусти дандони солимро ба вуҷуд оранд. Ҳамин тавр, қариб, ки амалан бо роҳи табиӣ дандонро сабзонидан имконпазир мегардад.

Натиҷаи ин кашфиёти профессор Мао: минбаъд имконият пайдо мешавад, ки ҳамагӣ дар давоми 9 ҳафта бо роҳи табиӣ дар даҳони бемор  дандонҳои аслӣ сабзонида шаванд.

Нет комментариев

Также рекомендуем

Достонӣ Nokia бо се смартфон идома меёбад

Ширкати Nokia се намуди нави смартфонҳояшро охири соли 2016 муаррифи хоҳад кард. Дар ин бора портали Nokiapoweruser бо истиноди хизматрасонии Weibo менависад. Аввалин аз сегона ...