Ба қонуни мубориза бо коррупсия илова ворид карда шуд

0
1 929 просмотров

Минбаъд дар вазорату идораҳои давлатии Тоҷикистон омилҳо ва хавфҳои коррупсионӣ таҳлил ва баррасӣ гардида, аз натиҷаи он ба Ҳукумати кишвар маълумот пешниҳод мегардад, ки ин тамоюл имкон медиҳад хавфҳои коррупсионӣ дар ҷумҳурӣ ҷилавгирӣ гарданд. Дар робита ба ин 26 апрел вакилони палатаи поёнии Парлумони Тоҷикистон ба моддаи 5-и Қонуни Ҷумҳурии Тоҷикистон «Дар бораи мубориза бар зидди коррупсия» қисми 5-ро илова намуданд. Сулаймон Султонзода, директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, ки масъалаи мазкурро дар Парлумон шарҳ дод, гуфт, ки «зарурати ворид кардани илова ба Қонуни Ҷумҳурии Тоҷикистон «Дар бораи мубориза бо коррупсия» бо мақсади ҷорӣ намудани механизми таҳлили хавфҳои коррупсия дар мақомоту ташкилотҳои давлатӣ баҳри иҷрои банди 45-и Нақшаи чорабиниҳои татбиқи «Стратегияи миллии муқовимат ба коррупсия дар Ҷумҳурии Тоҷикистон барои солҳои 2013-2020», ки бо Фармони Президенти Ҷумҳурии Тоҷикистон тасдиқ шудааст, пеш омад». Зикр шуд, ки методологияи тартиб ва методикаи гузаронидани таҳлили хавфҳои коррупсиониро Ҳукумати Ҷумҳурии Тоҷикистон муқаррар менамояд. Ҳамзамон зимни баррасии масъалаи мазкур Раиси Маҷлиси намояндагон Шукурҷон Зуҳуров зикр кард, ки сатҳи коррупсия дар ҷумҳурӣ баланд аст. Раиси Парлумони кишвар таъкид намуд, ки бояд дар ин самт мақомоти салоҳиятдор аз таҷриба ва имконот истифода намуда, муборизаро бо ин зуҳуроти номатлуб пурзӯр гардонанд.

       Манбаъ: www.khovar.tj

Нет комментариев

Также рекомендуем

Джон Даллер: от мигранта до восходящей звезды

Обычный таджикский парень, который просто любил петь, стал новым проектом российского шоумена Дениса Ковальского. Благодаря невероятной харизме и таланту он уже стал новоиспеченной «звездой» российского ...
%d такие блоггеры, как:

Сообщить об опечатке

Текст, который будет отправлен нашим редакторам: