Бодиринг ба бемории тарбод даво мебахшад

0
2 635 просмотров

Шарбати бодиринг пӯстро ботароват, сафеду нафис месозаду боиси нест кунонидани доғҳои кунҷитак мегардад. Сари чанд вақт бо пораҳои бодиринг молиш додани пӯст муфид аст.  Бодиринг дорои калий, калсий, оҳан, фосфар, йод, миқдори ками витаминҳои муҳими каротин, В2, В1, РР, ҷавҳари пантотен, В6 ва С мебошад. Аз ин лиҳоз, аз рӯи табобатнокӣ ва фоиданокиаш бодиринг дар баробари сабзӣ, помидор, пиёз ва ҳатто меваҳои ситрусӣ меистад. Бодиринг хусусияти хуби косметикӣ дошта, ба сифати воситаҳои косметикии нигоҳубини пӯсти рӯй васеъ истифода мешавад. Бодиринг то 96% ва аз он зиёдтар об дорад.Бодиринг хусусияти муайяни табобатӣ дорад: иштиҳоро бедор, ҳазми хӯрокро хуб месозад. Бодиринги тару тоза ҳангоми бемории меъда, гурда ва ҷигар муфид аст. Истеъмоли бодиринг дар хӯрок боиси аз ҷисм берун сохтани об, кори хуби ҷигар, дил ва гурдаҳо мегардад. Шарбати навҷабидаи бодирингро ҳангоми сурфа, катари роҳҳои нафас ва дарди меъдаву рӯда менӯшанд.  Бодиринг хусусияти пешобронӣ дорад. Сабзиши мӯйро беҳтар сохта, мушакҳои дилу рагҳои хунгардро қавӣ мегардонад. Шарбати бодиринг, сабзӣ ва лаблабӯ дар якҷоягӣ бемориҳои тарбодро (ревматизм) табобат мекунад. Ҳангоми пародонтоз, рехтани мӯй бодиринг муфид асту асабро ором, атеросклерозро пешгирӣ ва хотираро равшан месозад. Шарбати тозаи бодирингро то 100мл нӯшидан мумкин аст.

Муҳаррир: Мавзуна Ниёзова

Нет комментариев

Также рекомендуем