Брифинги М. Муҳаммадзода вобаста ба офати табии

0
611 просмотров

Дар Мақомоти иҷроияи ҳокимияти давлатии шаҳри Хуҷанд бо иштироки рӯзноманигорони телевизионҳои вилоят ва маҳаллӣ брифинги Раиси шаҳри Хуҷанд Маъруф Муҳаммадзода оид ба ҳолати рафъи офати табиӣ дар шаҳри Хуҷанд сурат гирифт. Раиси шаҳри Хуҷанд Маъруф Муҳаммадзода иттилоъ дод, ки аз лаҳзаҳои аввали рух додани ҳодисаи табиӣ Роҳбарияти Мақомоти иҷроияи ҳокимияти давлатии шаҳри Хуҷанд қабл аз ҳама аз иншооти ҳаётан муҳим соҳаи тандурустиву маориф ва муассисаҳои дигари давлатӣ боздид ба амал оварда, аз вазъи ҳол аз наздик шинос гардиданд. Сипас фавран гуруҳҳои корӣ таъсис дода шуда, ба самт ва кӯчаҳои муайян вобаста карда шуданд. Соати 7-и субҳ аллакай ситоди навбатии сайёр баргузор ва ба масъулин масъалагузории навбатӣ шуд. Гуруҳҳо бо мақсади омӯзиши амиқи зарари расидаи офати табиӣ ба 4 самти муайяни соҳавӣ равона карда шуданд. Баъди омӯзиши гуруҳи корӣ муайян гардид, ки дар натиҷаи офати табиӣ дар шаҳри Хуҷанд 294 хонаҳои баландошёна, 16 муассисаҳои таҳсилоти ҳамагонӣ, 13 кӯдакистон, 2 муассисаи ислоҳотӣ, 2 қисми низомӣ, таваллудхонаи шаҳрӣ, беморхонаи касалиҳои сироятӣ, 4 истгоҳи барқӣ, зиёда 40 адад симчӯб, миқдори зиёди ноқили барқӣ ва ғайра зарари ҷиддӣ дидаанд. Хушбахтона талафот ҷонӣ ба қайд гирифта нашудааст.

Маъруф Муҳаммадзода гуфт, ки бо дастур ва кӯмаки бевоситаи Раиси вилояти Суғд мӯҳтарам Абдураҳмон Қодирӣ гуруҳи махсуси Ширкати холдинги «Барқи тоҷик» фавран ба кӯмак расиданд. Дирӯз 90 фисади сокинони шаҳр бо барқ таъмин гардиданд. Имрӯз баъди таъмири истгоҳи «Ваҳдат» кӯшиши таъмини пурраи аҳолии шаҳр бо барқ роҳандозӣ карда мешавад. Дар самти таъминот бо оби нӯшокӣ муаммо нест. Тамоми соҳаҳои коммуналии шаҳр шабонарӯз фаъолият намуда истодаанд.

Раиси шаҳри Хуҷанд Маъруф Муҳаммадзода аз шаҳрвандон даъват ба амал овард, ки хотири хешро ҷамъ намоянд, имрӯз тамоми имконоту шароит ва зиндагии шоиста аз ҷониби Асосгузори сулҳу Ваҳдати миллӣ, Пешвои миллат мӯҳтарам Эмомалӣ Раҳмон дар шаҳри Хуҷанд муҳайё гардидааст ва мо дар якҷоягӣ диёри азизамонро боз ҳам ободу зебо ва хуррам мегардонем.

 

Манбаъ: сомонаи расмии МИҲД-и шаҳри Хуҷанд

Нет комментариев

Также рекомендуем

Кадыров назвал лучший способ борьбы с коррупцией

Глава Чеченской Республики Рамзан Кадыров считает, что лучшее наказание для чиновника, пойманного на коррупционных нарушениях, — конфискация всего, что тот имеет. По его мнению, аресты губернаторов, глав районов, чиновников заканчиваются судом, ...