Дидори марказии даври 13-уми Бундеслигаи Олмон миёни дастаҳои “Боруссия Дортмунд” ва “Шалке 04” бо ҳисоби мусовии 4-4 хотима ёфт. Боруссия Дортмунд то дақиқаи 25-уми дидор бо голҳои Пиер-Эмерик Обамеянг, Стамбули (автогол), Марио Гётсе ва Рафаэл Геррейру ба пеш баромад. Қисми аввал бо ҳисоби 4-0 ба фоидаи мизбонон хотима ёфт. Дар миёнаи қисми дуюм бо кӯшишҳои Гвидо Бургшталлер ва Амин Харит тими “Шалке 04” фарқиятро дар ҳисоб то ду гол коҳиш дод. Дар дақиқаи 72-юм пас аз корти сурх гирифтани Обамеянг, “Боруссия Дортмунд” дар майдон як нафар кам бозиро идома дод. Даниэл Калидҷури голи сеюми Шалкеро ба ҳадаф расонида бошад, пас Налдо дар дақиқаи 4-уми иловагӣ ҳисобро баробар, 4-4 кард. Қайд кардан ба маврид аст, ки қаблан дар таърихи дербии Рур ба ҳеҷ яке аз дастаҳо муяссар нашуда буд, ки дар рафти як дидор фарқияти 4 тӯбро аз байн барад.
Бундеслига. Даври 13-ум.
«Боруссия» (Д) — «Шалке» 4:4
Голҳо: Обамеянг 12, Стамбули 18 (авт.), Гётсе 20, Геррейру 25 — Бургшталлер 61, Арит 65, Калиджиури 86, Налдо 90+4
Манбаъ: сомонаи расмии телевизиони «Варзиш»
Нет комментариев