Чанде пеш дар сомонаҳои иҷтимоӣ сабти видеоии модари сарояндаи эстрада Фируза Ҳафизова паҳн гашта буд, ки дар он модар “духтарам ба ман кӯмак намекунад, кораш фақат дугонабозӣ аст, ҳамроҳи дӯстонаш ресторан ба ресторан мегардаду ман гурусна мешинам” гуфта дарди дил карда буд.
Дар ҷавоб Фирӯза Ҳафизова дар як сабти дигари видеоӣ туҳмат будани суханони модарашро қайд намуда ашк рехта гуфта буд, ки “Хизматҳое, ки ман ба аҳли оила, ба бародару хоҳаронам кардаам, агар надонанд, кӯр мешаванд. Як умр аробаи зиндагии модару акаву хоҳаронамро кашидам, вале ба ҷойи раҳмат гуфтан, маро бо туҳмату буҳтон дар байни халқ паст зада, обрӯямро резонданд.”
Ҳафтаи охир боз як сабти видеоӣ бо унвони “Рақси модари Фирӯза Ҳафизова, шармандагӣ ва ҷашни оштии Фирӯза Ҳафизова бо модараш” дар расонаҳо паҳн мегардад, ки дар ин сабт маъракаи оштии Фирӯзабону бо модараш дар хонаи сароянда, дар ҳузури сарояндагони машҳур ҷашн гирифта шудааст. Дар навор Фирӯза Ҳафизова бо модараш оғӯш ба оғӯш рақс карда, ба даҳони модари худ торт меандозад. Тавре Фирӯза Ҳафизова қайд кардааст, қадри модар бузург аст, аз ин хотир қадами аввалинро барои оштишавӣ худаш гузоштаасту мехоҳад соли навро бе кинаву беғурбат пешвоз бигирад.
Нет комментариев