Тибқи иттилои ин ниҳод аз ин шумора ба Вилояти Мухтори Кӯҳистони Бадахшон – 80 ҷиноят, Хатлон – 477, Суғд – 481, шаҳри Душанбе – 383 ва шаҳру ноҳияҳои тобеи ҷумҳурӣ – 257 ҷиноят рост меояд.
Дар мавриди он, ки масъулини кадом соҳаҳо бештар даст ба ҷиноятҳои коррупсионӣ задаанд, Оҷонсии зидди фасод изҳор дошт, ки соли 2015 дар мақомоти Прокуратура — 6 адад, Вазорати корҳои дохилӣ — 63, Вазорати мудофиа — 20 адад, Кумитаи давлатии амнияти миллӣ — 10 адад, Агентии назорати маводи нашъаовар — 5 адад, Шӯрои адлия – 6 адад, Вазоратҳои адлия – 32 адад, нақлиёт – 13 адад, кишоварзӣ – 30 адад, энергетика ва захираҳои об – 6 адад, меҳнат, муҳоҷират ва шуғли аҳолӣ – 30 адад, саноат ва технологияҳои нав – 18 адад, молия – 1 адад, Кумитаи давлатии идораи замин ва геодезӣ – 28 адад, Кумитаҳои телевизион ва радио – 3 адад, ҳифзи муҳити зист — 7 адад, ҷавонон, варзиш ва сайёҳӣ – 2 адад, ҳолатҳои фавқулодда ва мудофиаи гражданӣ – 2 адад, андоз – 23 адад, Агентии стандартизатсия, метрология, сертификатсия ва нозироти савдо – 2 адад ҷинояти коррупсионӣ ошкор шудааст.
Оҷонсии мубориза афзуд, ки аз шумораи умумии ҷиноятҳои коррупсионӣ ба соҳаи бонкӣ — 163 адад, ҷамъиятҳои саҳҳомӣ – 266 адад, соҳибкорони инфиродӣ — 281 адад, ба соҳаҳои маориф ва илм – 68 адад, тандурустӣ ва ҳифзи иҷтимоии аҳолӣ – 76 адад рост меоянд: “Инчунин 178 ҷинояти коррупсиониро мансабдорони ҳукуматҳои маҳаллӣ ва шаҳраку ҷамоатҳо содир кардаанд”.
Ба иттилои манбаъ ифшои ҷиноятҳои коррупсионии вобаста ба замин дар соли 2015 64 ҳолат бештар шуда, ба 329 адад расидаст: “Соли 2015 . муфаттишони Агентӣ 776 парвандаҳои ҷиноятиро ба истеҳсолот қабул кардаанд, ки нисбати соли пешӣ 65 парванда кам мебошад. Тафтиши 540 парвандаи ҷиноятӣ нисбати 695 нафар ба анҷом расонида шудааст”.
Дар маҷмуъ Оҷонсӣ зарари молиявии ҷиноятҳои ошкоргардидаро 269 миллион сомонӣ арзёбӣ намуд, ки дар рафти санҷишу таҳқиқ – 55 миллион сомонии он барқарор гардидааст.
Нет комментариев