NASA марсгардеро пешниҳод намуд, ки бо лабораторияи мобилӣ якҷоя карда шудааст

0
94 просмотров

Бисёр вақт ширкатҳои бузург барои дар якҷоягӣ сохтани ягон чизи нав бо пудратчиёни хеле хурд ҳамкорӣ менамоянд. Агентии NASA низ аз ин истисно нест, ки бо дархости он коршиносони ширкати Parker Brothers Concepts консепсияи марсгардеро, ки бо лабораторияи мобилӣ якҷоя карда шудааст, кор карда баромаданд.

NASA марсгард-1

Гуфтан ҷоиз аст, ки Parker Brothers Concepts муддати дароз бо сохтани воситаҳои нақлиёт барои саноати кино машғул аст. Консепсияи нави марсгарди онҳоро шоҳидон аллакай бо Бэтмобил муқоиса карда истодаанд.

Коркарди он дар охири соли 2016 ба роҳ монда шуд. Воситаҳои нави нақлиёт бо шаш чархи диаметраш 1,3 метр ва паҳноияш 0,75 метр муҷаҳҳаз гардонида шудааст. Ҳар як чарх аз якчанд сегмент иборат буда, чунон сохта шудааст, ки чархҳо то ҳадде ба ғоз монанд мебошанд. Ин қарор қобилияти гардиши марсгардро бояд зиёдтар гардонад. Кузов дарозии 8,5 метр, паҳноии 4 метр ва баландии 3,4 метр дорад. Кузов аз нахи карбон ва алюминий сохта шуда, ба шарофати батареяҳои офтобӣ ва аккумулятор ҳаракат мекунад. Дар сатҳи ҳамвор суръати ҳаракати марсгард дар як соат метавонад ба 110 километр бирасад.

Кабина барои 4 нафар пешбинӣ шудааст. Аз қафо ба ҷип лабораторияи мобилӣ насб гардидааст, ки ҳар лаҳза барои гузаронидани тадқиқот гирифтан мумкин аст. Дар ҳоли ҳозир марсгардро дар Маркази кайҳонии NASA ба номи Кеннедӣ дар иёлоти Флорида дида метавонем. Баъдтар он ҳамчунин дар доираи сафари таълимии «Summer of Mars» истифода бурда мешавад. Хуб, Шумо бошад, ҷипи кайҳонии футуристиро худи ҳозир дар видеои болоӣ тамошо карда метавонед.
Дар асоси маводи hi-news
Манбаъ: http://24hitech.ru/

Нет комментариев

Также рекомендуем

Ҳайвоноти нодир: Леопард

Леопард ҳайвони даррандаи гурбашакл буда, вазнаш 150 кг мебошад. Вай ҳайвони хеле чаққон буда, дар шикоркунӣ хеле моҳир аст. Вай сайди худро нобуд карда, ба ...