Ғолиби ҳафтаи аввали моҳи декабри соли 2017 Ихтиёри Иқболшоҳ

0
308 просмотров

Сарояндаи ҷавону умедбахш ва серғайрату боистеъдоди Хуҷанди бостонӣ Ихтиёри Иқболшоҳ ҳамеша дар эҷоду ҷустуҷӯи суруду таронаҳои наву пурмазмун мебошад. Ин аст, ки ӯ бо суруди навэҷоди худ “Бе Лайло”  дар ҳафтаи якуми моҳи декабр аз ҳама зиёд овоз гирифта, дар лоиҳаи ҷадид аз радиои “Тирози Ҷавонӣ” бо ном Хит-парад ғолиб омадааст.

Мақсуди Ихтиёр, ки бештар бо тахаллуси Ихтиёри Иқболшоҳ машҳур аст,  1-уми феврали соли  1991 дар шаҳри Хуҷанд ба дунё омадааст.

Фаъолияти эҷодии ӯ, аз моҳи феврали соли 2007 сар шуда буд.  Дар консерти “Ёдбуди Ҳасани Вализод”, ки яккахони гурӯҳи “Иқбол”буд иштирок намуда, ҳамон рӯз пайрави гурӯҳи Иқбол гардидааст. Дар оғози кор, Ихтиёри Иқболшоҳ   бо продюсери гурӯҳ – Фирӯз Юсуфов самти асосии иштироки худро ҳамчун сароянда дар ин коллектив аниқ намуда буд. Вале зиндагӣ ва роҳи эҷодии санъаткор  пурталотӯб аст ва айни ҳол бо розигии Фирӯз Юсуфов  тахаллуси “Ихтиёри Иқболшоҳ”-ро қабул намуда, худ танҳо фаъолият бурда истодааст.

– Равияи мусиқавии Ихтиёри Иқболшоҳ – оммавӣ  (populare)  мебошад. Фаҳмо, содда ва шунаво будани маводи эҷодӣ – ин самт ва равияи ӯ дар эстрада.

Дар интиҳо гуфтанием, ки суруду таронаҳои наву ҷолиби Ихтиёри Иқболшоҳро метавонед тавассути шабакаи радиоии “Тирози Ҷавонӣ” бишнавед ва ҳаловат баред. Инчунин минбаъд ҳамарӯза соати 09:30 аз мавҷи 106,7 FM – барномаи “Хит-парад” – бо суруду таронаҳои тозаву ҷаззобро гӯш кунед!

 

САҲИФАИ АСОСИИ «ХИТ-ПАРАД»

 

 

 

 

Нет комментариев

Также рекомендуем