Нархи орд арзон шуд, дар Суғд боз арзонтар

0
1 716 просмотров

Нархи орд, ки яке аз маводҳои асосии ғизоии серистеъмол дар Тоҷикистон ба шумор меравад, зиёда аз 20 (бист) фоиз арзон шудааст. Ҳоло як халта орд вобаста ба навъаш дар бозорҳои шаҳри Душанбе 130 — 135 сомонӣ нарх дорад. То кунун нархи як халта орди 50-килограмӣ 160-165 сомонӣ нарх дошт.

Қиммати орд дар вилояти Суғд, ки аксар корхонаҳои истеҳсоли орд дар он ҷо фаъолият мекунанд боз арзонтар аст. Дар бозорҳои ин вилоят як халта орд 125 сомонӣ арзиш дорад. То 30 сомонӣ арзон шудани нархи орд дар Тоҷикистон бесобиқа аст ва солҳои қаблӣ равандаи паёпай гарон шудани нархи орд ба мушоҳида мерасид.

Ҳоло мақомот мегӯянд, ки поёнравии бесобиқаи нархи орд бинобар арзон шудани боҷи нақлиётӣ автомобилӣ ва роҳи оҳан дар Ӯзбекистон барои Тоҷикистон сурат мегирад.

Акрамхон Пӯлодзода, масъули Хадамоти зиддинҳисорӣ дар вилояти Суғд санаи 5-уми март бо тасдиқи ин хабар гуфааст, ки аз як ҷониб кам шудани хароҷоти боркашонӣ аз тарафи кишвари ҳамсоя ва аз ҷониби дигар рақобати шадид дар миёни истеҳсолкунандагони орд, боиси поён рафтани нархи ин маҳсулот шуд. Ӯ гуфт: «Ширкатҳо воридоти гандумро аз Қазоқистон хеле зиёд карданд. Ширкатҳо барои бештар фурӯхтани молашон яке пайи дигар нархро кам карданд, ки дар натиҷа қимати орд поён рафт. Дар ин бозор рақобати солим ба вуҷуд омадааст».

Тоҷикистон эҳтиёҷоти худро бо гандум ва орд қонеъ карда наметавонад ва онро бештар аз Қазоқистон ворид мекунад. Солҳои қабл Тоҷикистон аз Қазоқистон бевосита орд ворид мекард. Барои рушди иқтеҳсоли орд дар дохил Тоҷикистон ба воридкунандагони гандум имтиёз дод. Ҳоло мизони андоз аз арзиши иловашуда ҳангоми воридоти гандум ба кишвар то ба 10 дарсад поён оварда шудааст. Бинобар ин бахши аъзами гандум аз Қазоқистон ворид мешавад. Дар соли 2017 ширкатҳо аз Қазоқистон ба Тоҷикистон 1 миллиону 14 ҳазор тонна гандум ворид кардаанд.

Манбаъ: Сомонаи расмии Тоҷикистонтаймс

Нет комментариев

Также рекомендуем

8 ГЛАВНЫХ ОШИБОК В УХОДЕ ЗА СОБОЙ

О том, насколько регулярно и тщательно вы за собой ухаживаете, говорит ваша внешность. Чтобы всегда выглядеть отменно, необходимо не лениться и расходовать на себя немного ...