Таҳкими робитаҳои шаҳри Хуҷанд бо 38 мамолики дунё

0
110 просмотров

Ҳоло дар қаламрави кишвар, аз ҷумла дар шаҳри Хуҷанд тамоюли мусбати рушди иқтисодиётӣ дар шароити марҳила ба марҳила амалӣ гардидани ҳадафҳо оид ба таъмини истиқлолияти энергетикӣ ва амнияти озуқаворӣ, рушди инфрасохтори нақлиёт, беҳтар намудани фазои сармоягузорӣ ва фароҳам овардани шароити мусоид барои рушди бахши хусусӣ, алалхусус дар самти истеҳсолӣ ва таҳкими робитаҳои хориҷӣ идома дорад.

Дар рушди бемайлони иқтисодиёти шаҳр муомилоти гардиши молҳо саҳми арзанда дошта, ҳаҷми он нимсолаи якуми соли 2018 ба 1581 млн. сомонӣ расида, ҳаҷми хизматрасониҳо 579,8 млн. сомониро ташкил дода, онҳо нисбат ба ҳамин давраи соли сипаригашта бо нархҳои ҷорӣ мутаносибан 46,6 ва 25,5 дар сад афзоиш ёфтаанд.

Робитаҳои иқтисодӣ собит менамояд, ки имрўз шаҳри Хуҷанд бо 38 мамолики дуру наздик ҳамкорӣ дошта, ҳаҷми гардиши савдои хориҷӣ дар давраи ҳисоботӣ ба 156,0 млн. доллари амрикоӣ, аз ҷумла воридот 137,8 млн. доллари амрикоӣ ва содирот 18,2 млн. доллари амрикоиро ташкил менамояд, ки ҳаҷми маҳсулотҳои содир гашта, нисбат ба ҳамин давраи соли сипаригашта 24,7 дар сад, ё ба маблағи 3,6 млн. доллари амрикоӣ зиёд шудааст.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем