Вомбаргҳои Тоҷикистон дар 4 шаҳри дунё

0
892 просмотров

Евробондҳо (вомбарг ё коғази қиматнок)-и давлатии Ҷумҳурии Тоҷикистон аз 31-уми август дар чаҳор шаҳри бузурги дунё – Ню Йорк, Бостон, Сюрих ва Лондон – ба маърази сармоядорон ва харидорони эҳтимолӣ гузошта хоҳанд шуд. 

Тоҷикистон барои ҷалби сармоя ба сохтмони нерӯгоҳи барқи обии Роғун ба миқдори 500 миллион доллар вомбаргҳои давлатиро нашр кард, ки мӯҳлати гардишашон 10 сол аст. “Роуд-шоу” ё муаррифии вомбаргҳои Тоҷикистон ба сармоягузоронро ду бонки ҷаҳонӣ Citi-и Амрико ва Raiffeisen Bank International ташкил мекунанд.

Роуд-шоу як маъракаи муҳими қабл аз ба биржа баромадани вомбаргҳои давлатӣ аст ва ин маърака аз 31-уми август то 6-уми сентябр идома мекунад.

Пас аз маъракаи муаррифӣ ба харидорони эҳтимолӣ, биржаи аслии фурӯши вомбаргҳои Тоҷикистон – биржаи Люксембург – хоҳад буд. Бар асоси маълумотномаи ибтидоии ин вомбаргҳо ва ё пропектерс ҳуқуқи харидорони ин вомбаргҳо бар асоси қонунгузории иёлоти Ню-Йорки Амрико танзим хоҳад шуд.

Манбаъ: Сомонаи Тоҷикистон таймс

 

Нет комментариев

Также рекомендуем

Маҷлиси Ҳукумати Ҷумҳурии Тоҷикистон

Имрӯз таҳти раёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид. Дар ...
%d такие блоггеры, как:

Сообщить об опечатке

Текст, который будет отправлен нашим редакторам: