Бад шудани кори майнаи сар зуд-зуд рух медиҳад. Сабаби асосӣ ин вазъи бади экологӣ, тарзи нодурусти ғизогирӣ, асабоният ва одатҳои бад мебошанд. Чизҳое, ки ба кори майнаи сар таъсири нисбатан манфӣ мерасонанд, аз инҳо иборатанд:
- Норасогии хоб. Мутассифона ин зуҳурот имрӯзҳо қариб, ки ба яке аз проблемаҳои глобалӣ табдил ёфтааст. Вайроншавии хоб ва кам хоб рафтан ба нобаробарии кори қисмҳои майнаи сар боис мешавад, ки оқибат ба вайроншавии қобилияти фикрронӣ оварда мерасонад. Мавҷуд набудани миқдори муайяни хоб бевосита ба қобилиятнокии магзи сар таъсир мерасонад.
- Мавҷуд набудани ғизои саҳарӣ, яъне ношто нахӯрдан. Майнаи сар дар ин ҳолат бад кор мекунад, зеро миқдори муайяни шакарро ба худ гирифта наметавонад. Бояд гуфт, ки шакар яке аз ғизои асосии мағзи сар мебошад.
- Барзиёд будани карбогидратҳо. Инчунин ба кори мағзи сар барзиёд будани миқдори шакар дар ғизо низ таъсири бад мерасонад. Ҳамзамон сафеда ва дигар моддаҳо дуруст ҷаббида намешаванд, ки дар натиҷа кори мағзи сарро бад мегардонанд.
- Ҳиссиётҳои ғаму ҳиҷрон. Дар натиҷаи асабӣ шудан қобилияти фаҳмишу дарк карда тавонистани инсон паст мегардад. Ба ғайр аз ин асабоният хотираро суст мегардонад.
- Истеъмоли дорувории зидди асабоният ва камхобӣ низ фаъолияти мағзи сарро бад мегардонад. Ин дорувориҳо хотиротро суст карда, ба ҳолати ногувори сӯйқасд ба ҷони худ низ оварда мерасонанд.
- Тамокӯкашӣ. Ин одати бад ба кори майнаи сар тасири манфӣ мерасонад. Зеро никотини дар таркиби дуди тамокӯбуда яккумин шуда рагҳои майнаи сарро таранг мекунанд, ки ин ба кори магзи сар аз ҳама ҷиҳат таъсири бад дорад. Тадқиқотҳои охирини майнаи сар нишон доданд, ки доимо дар ҳолати таранг будани рагҳои асаб эҳтимоли бавуҷудоии аломатҳои бемории Алтсгеймерро зиёд мегардонад.
- Реҷаи нушидани нӯшокӣ. Бояд дар ёд дошт, ки норасогии об дар организм ба хурдшавии ҳаҷми майнаи сар оварда мерасонад ва ин боиси нисбатан суст гардидани қобилияти кории мағзи сар мешавад.
- Аз ҳад зиёд қабул кардани ахборот. Дар ин ҳол мағзи сар маълумоти барзиёдро қабул карда наметавонад.
- Бисёрвазифагӣ. Ин ҳол бештар ба ҷомеаи иттилоотӣ дахл дорад. Ин маънои онро дорад, ки инсон дар як замон бо якчанд манбаҳои ахборотӣ кор мекунад. Вале яктои аз ин ахборотҳо ҳам дуруст аз худ карда намешаванд. Дар ин ҳолат ҳал карда тавонистани ягон мушкилот нисбатан душвор мегардад, зеро ҳуш пароканда аст.
Нет комментариев