53 корхонаи Тоҷикистон пурра сокинонро бо либоси мактабӣ таъмин мекунанд

0
2 367 просмотров

Вазорати саноти Тоҷикистон маълумот додааст, ки аз соли 2014 то имрӯз афзоиши истеҳсоли либоси мактабӣ дар кишвар назаррас аст

Бино бар иттилои, вазорати саноат ва технологияҳои нави Тоҷикистон, дар соли хошини 2019-2020 аз ҷониби Вазорати маориф ва илм талабот ба либоси мактабӣ 985 ҳазор дона нақшабандӣ карда шудааст.

Манбаъ иттилоъ додааст, ки давоми нимсолаи якуми соли равон дар ҷумҳурӣ 53 корхонаҳо дар самти истеҳсоли либоси мактабӣ ба қайд гирифта шуда.

“Корхонаҳои мазкур,  беш аз 401 ҳазор дона либоси мактабӣ истеҳсол намудаанд, ки дар қиёс ба ҳамин давраи соли гузашта 79 ҳазор дона зиёд мебошад”, — қайд намудааст манбаъ.

Вазорати саноат ва технологияҳои нав таъкид намудааст, ки дар аксарияти корхонаҳои соҳа ба монанди “Гулистони Душанбе”, “Нассоҷии Тоҷик”, “Ёқут-2000”, “Нассоҷи Хуҷанд”,  “Зинат”, “Ҳусния-Б”, “Ниҳол”, “Даҳбед”, “Ресандаи Қурғонтеппа”, “Коргоҳи дӯзандагӣ”, “Алишер АСК”, “Само и  К”, “Кохи Бонувон”  ва дигарон таҷҳизоти муосир васл гардида, хати технологӣ ба пуррагӣ бо дастгоҳҳои зарурӣ муҷаҳҳаз мебошад ва имконияти дӯхти либоси мактабӣ ҳам барои писарон ва ҳам барои духтарон фароҳам оварда шудааст.

Инчунин манбаъ зикр намудааст, ки дар корхонаи “Нассоҷи Хуҷанд” сикли пурраи коркарди нахи пахта ба роҳ монда шуда, дар баробари истеҳсоли ришта ва матои пахтагин, маҳсулоти дӯзандагӣ, инчунин матои омехта истеҳсол мегардад, ки имконияти қисман таъмини корхонаю коргоҳҳои дӯзандагӣ бо матоъ ҷиҳати истеҳсоли либоси мактабӣ фароҳам оварда шудааст.

Ҳамзамон манбаъ таъкид доштааст, ки дар миқёси ҷумҳурӣ теъдоди умумии хонандагон 1,9 млн. нафарро ташкил дода, иқтидори корхонаҳои дӯзандагии кишвар барои пурра таъмини онҳо бо либоси мактабӣ басанда мебошад.

Манбаъ:sputnik-tj.com

Нет комментариев

Также рекомендуем

Дар шаҳрҳои Хуҷанд ва Левакант коллеҷҳои Донишгоҳи байналмилалии сайёҳӣ ва соҳибкории Тоҷикистон таъсис шуданд

Дар соли таҳсили 2023-2024 дар шаҳрҳои Хуҷанд ва Левакант коллеҷҳои Донишгоҳи байналмилалии сайёҳӣ ва соҳибкории Тоҷикистон аз рӯи ихтисосҳои саноат, сайёҳӣ ва хизматрасонӣ таъсис дода ...

Сообщить об опечатке

Текст, который будет отправлен нашим редакторам: