«Tajikistan Fashion Week» тарроҳони шинохтаи ватанию хориҷиро ҷамъ овард

0
1 014 просмотров

Фасли ҳаштуми Ҳафтаи мӯди Тоҷикистон «Tajikistan Fashion Week» бо намоиши коллексияҳои нави яке аз тарроҳони шинохта ва муваффақи тоҷик Умед Кучкалиев, ки чакан ва нақшу нигори миллиро дар бар мегирад, шоми дирӯз дар пойтахти Тоҷикистон- шаҳри Душанбе дар маросими ботантана оғоз ёфт, иттилоъ медиҳад хабарнигори АМИТ «Ховар» Марзия САИДЗОДА.

Фасли ҳаштуми Ҳафтаи мӯди Тоҷикистон «Tajikistan Fashion Week» бо ибтикори иттиҳодияи эҷодии «T&Z» ва дастгирии Вазорати саноат ва технологияҳои нави Ҷумҳурии Тоҷикистон дар доираи иҷрои дастуру супоришҳои Пешвои миллат муҳтарам Эмомалӣ Раҳмон дар иртибот ба Солҳои рушди саноат эълон гардидани солҳои 2022-2026 гузаронида шуд.

Қабл аз маросими оғози «Tajikistan Fashion Week» сардори Раёсати саноати сабук ва пиллаи Вазорати саноат ва технологияҳои нави Ҷумҳурии Тоҷикистон Малика Ёрбобоева дар нишасти матбуотӣ ба намояндагони расонаҳои хабарӣ иттилоъ дод, ки фасли ҳаштуми Ҳафтаи мӯди Тоҷикистон ба пахтаи тоҷик ва матоъҳои сирф аз пахта истеҳсолшаванда бахшида мешавад.

Бо дахли аҳамияти баргузории Ҳафтаи мӯди Тоҷикистон асосгузори «Tajikistan Fashion Week», мӯдшинос Тоҳир Иброҳимов гуфт, ки ҳадафи баргузории Ҳафтаи мӯди Тоҷикистон «Tajikistan Fashion Week» рушди соҳаи мӯд ва маҳсули ҳунари тарроҳони ватанӣ, ташвиқу тарғиби матоъҳои пахтагин, муаррифии ҳарчи бештари имконоти ресандагию бофандагии Тоҷикистон ва таҳкими ҳамкорӣ миёни тарроҳони ватанию хориҷӣ мебошад. Мавсуф зикр кард, ки “афзалияти бештаре, ки имсол дар фасли ҳаштуми Ҳафтаи мӯди Тоҷикистон «Tajikistan Fashion Week» дида мешавад, ин ба маърази тамошо гузоштани коллексияҳои нави тарроҳони ватанию хориҷӣ мебошад, ки аз матоъҳои анъанавии пахтагӣ ва абрешимӣ омода гардидаанд”.

Манбаъ: АМИТ «Ховар»

Нет комментариев

Также рекомендуем

Сарвазири мамлакат Қоҳир Расулзода бо муовини Раиси Ҳукумати Федератсияи Русия Марат Хуснуллин мулоқот намуд

20 июн Сарвазири Ҷумҳурии Тоҷикистон Қоҳир Расулзода бо муовини Раиси Ҳукумати Федератсияи Русия Марат Хуснуллин мулоқот намуд, хабар медиҳад АМИТ «Ховар». Дар мулоқот масъалаҳо вобаста ...

Сообщить об опечатке

Текст, который будет отправлен нашим редакторам: