Дар бахши имрӯза ба шумо, истифодабарандагони азиз, дар бораи асбоби риштарошии дутеғдор, ки як маротиба истифода бурда мешавад, маълумот доданӣ хастам. Пеш аз ҳама мехоҳам Шумоёнро бо таърихи пайдоиши асбоби риштарошӣ шинос намоям. Мутаваччех бошед!
Дар замонҳои қадим мардҳо барои тарошидани риши худ ё гӯшмоҳӣ, (яъне ракушка), ё сангҳои тезкардашуда, ё дандонҳои акуларо истифода мебурданд. Вақте, ки Пётри I фармонро оид ба гирифтани ҳатмии риш баровард, гурӯҳи сартарошон ҷустуҷӯи шахсони ришдорро оғоз намуданд. Бо сабаби зӯран гирифтани риши мардум, исёнҳои зиёде ба амал меомаданд. Задухӯрдҳо муддати 5 сол давом доштанд. Танҳо соли 1705 мувофиқи фармони Пётри I ба мардҳо ҳуқуқи шахсии гирифтан ё нагирифтани риш дода шуд. Лек шахси ришдор ӯҳдадор буд ба хазинаи мамлакат боҷи ришро ворид намояд. Масалан, хизматчӣ 600 рубл., савдогар-100рубл, сокини оддии шаҳр-30 рубл дар як сол пардохт менамуд.
Соли 1895 ихтирокори америкоӣ бо номи Кинг Кэмп Джилетт риштарошаки бехатарро ихтироъ намуд. Баъди 35 сол бошад соҳибкори фаронсавӣ Марсел Бик риштарошаки як маротиба истифодабарандаро ихтироъ намуд.
Мардуми Иттиҳоди Шӯравӣ бо риштарошакҳои бехатар дар аввали солҳои 70-ум шинос гаштанд. Риштарошакҳои хориҷӣ бо номи «Шик» ҳавасмандони бисёреро пайдо намуда буд.
Дӯстони азиз! Дар замони муосир ба туфайли пайдоиши асбобҳои риштарошии дутеға, тарошидани риш хеле осон гашт. Асбобҳои риштароши дутеға, ки як маротиба истифода бурда мешаванд, ба ширкатҳои номдори ҷаҳонӣ, яъне «Джилетт, Шик, Арко, Нинай вангхай раббер энд пластик фэктори» мансубияти дошта, истифодаи онҳо хеле қулай аст. Чӣ гуна асбоби риштароширо харидорӣ намуд? Хар як шахс асбоби риштароширо, ки як маротиба истифода бурда мешавад, бояд инфиродӣ интихоб намояд. Агар пӯсти рӯй ва ришатон тунук бошад, асбоби риштарошии яктеғаро харидорӣ кунед. Ва баръакс, агар пӯсти рӯй ва ришатон сахт бошад, асбоби риштарошии дутеғаро харидорӣ намоед. Теғи асбобҳои риштарош, ки як маротиба истифода бурда мешавад, бояд ҳаракаткунанда бошанд, то ки пӯсти рӯйро нахарошад. Бояд дар хотир дошт, ки тарошидани мунтазами риш ба пӯсти рӯй фоидаовар аст. Агар шумо, дӯстон, риши рӯятонро ҳар рӯз тарошед, як қабати пиргаштаи пӯсти рӯй барҳам мехӯрад. Ин сабабгори пайдоиши қабати нав мегардад. Хамин тариқ, мардҳое, ки мунтазам риши худро бо асбоби риштароши дутеғдор метарошанд, пӯсти рӯяшон доимо нав шуда, пиршавии он дертар ба амал меояд. Бояд қайд намуд, ки асбоби риштарошии барқӣ ба ҷавоншавии пӯсти рӯй мусоидат намекунад. Агар пӯсти рӯятон ҳассос бошад, ё баъд аз риштарошӣ осеб набинад, метавонед аз асбоби риштароши барқӣ истифода баред.
Ин буд чанд маслиҳатҳои «Портали Тироз» оид ба асбоби риштароши дутеға, ки як маротиба истифода бурда мешавад. Умедворем, дӯстон, аз маслиҳатҳои мо истифода мебаред. Бо мо бимонед.
Нет комментариев