Ҳафтаи сипаригардида, дар Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон мулоқоти Тоҳир Каримзода бо Намояндаи Ташкилоти байналмилалии муҳоҷират (ТБМ) дар шаҳри Москваи ФР Павел Шалюс баргузор гардид. Дар ибтидо Сардори Хадамоти муҳоҷират Тоҳир Каримзода мухтассар дар бораи фаъолияти имрӯзаи Хадамот маълумот дода, иброз намуд, ки Хадамоти муҳоҷират дар якҷоягӣ бо Ташкилоти байналмилалии муҳоҷират (ТБМ) корҳои зиёдеро ба самар расонидаанд, бахусус, дар гузаронидани семинарҳо ва тренингҳо бо кормандони дастгоҳ ва сохторҳои тобеи Хадамоти муҳоҷират. Инчунин, Сардори Хадамот ба Павел Шалюс арз намуд, ки 27-29-уми майи соли равон дар шаҳри Душанбе ҷаласаи Х Гурӯҳи кории муштараки Тоҷикистону Русия оид ба амалигардонии Созишнома байни Ҳукумати Ҷумҳурии Тоҷикистон ва Ҳукумати Федератсияи Русия дар бораи фаъолияти меҳнатӣ ва ҳифзи ҳуқуқи шаҳрвандони Ҷумҳурии Тоҷикистон дар Федератсияи Русия ва шаҳрвандони Федератсияи Русия дар Ҷумҳурии Тоҷикистон аз 16-уми октябри соли 2004 баргузор гардид. Дар он, ӯ қайд намуд, ки масъалаи аз як моҳе, ки барои муҳоҷирони хориҷӣ, бахусус шаҳрвандони ҷумҳурӣ барои гирифтани Патент ҷудо шуда буд, ба 90 рӯз расонида шавад. Ин пешниҳод ҳаллӣ худро хоҳад ёфт. Дар баромади хеш Намояндаи Ташкилоти байналмилалии муҳоҷират (СБМ) дар ФР Павел Шалюс аз қабул ва меҳмоннавозии Сардори Хадамот Тоҳир Каримзода арзи сипос намуда, қайд намуд, ки аллакай СБМ корҳои зиёдеро дар якҷоягӣ бо Хадамоти муҳоҷират ба анҷом расонидааст. Ӯ иброз намуд, ки Ташкилоти байналмилалии муҳоҷират омодааст ба Хадамоти муҳоҷирати Вазорати меҳнат, муҳоҷират ва шуғли аҳолии ҶТ дар ҳалли масъалаҳои муҳоҷирати меҳнатӣ ҳамаҷониба кӯмак намояд. Айни замон, СБМ(МОМ) кӯшиш намуда истодааст, ки муҳоҷирони тоҷик ба ғайр аз Федератсияи Россия, ба дигар давлатҳо, аз ҷумла Қазоқистон низ кору фаъолият намоянд. Ба гуфтаи Павел Шалюс баъзе аз корхона ва ташкилотҳои Қазоқистон- шаҳри Алмаато омодаанд коргарони тоҷикистониро ба кор қабул намоянд, аз ҷумла ширкатҳои сохтмонӣ ва корхонаҳои мусофиркашонӣ. Ӯ қайд намуд, ки роҳбарони ин ширкатҳо, арз намуданд, ки онҳо аз корчалонӣ ва ӯҳдабароии шаҳрвандони Ҷумҳурии Тоҷикистон боварии комил доранд ва омодаанд онҳоро бо ҷойи кор ва маоши хуб таъмин намоянд. Дар ҷараёни вохӯрӣ инчунин дурнамоиҳамкориҳои Хадамоти муҳоҷират бо Ташкилоти байналмилалии муҳоҷират (СБМ) мавриди муҳокима қарор дода шуданд. Дар фарҷом Намояндаи Ташкилоти байналмилалии муҳоҷират (МОМ) Павел Шалюс аз фаъолияти Шуъбаи қабул ва маслиҳатдиҳӣ ба муҳоҷирони меҳнатӣ Раёсати муҳоҷирати меҳнатӣ Хадамот дидан намуд. Мулоқот дар фазои дустӣ ва ҳусни тафоҳум сурат гирифт. Дар ин бора jahonnamo.tj хабар медиҳад.
Душанбе: нҷумани роҳбарони мақомоти давлатии кор бо ҷавонони давлатҳои Осиёи Марказӣ доир мегардад
14 сентябр дар шаҳри Душанбе дар доираи Вохӯрии панҷуми машваратии сарони давлатҳои Осиёи Марказӣ Анҷумани роҳбарони мақомоти ваколатдори кор бо ҷавонони Осиёи Марказӣ доир мегардад. Дар ин ...
Нет комментариев