Дар Тоҷикистон аз 1 июл барои истифода аз рақам дар ҳаҷми 80 дирам пардохти моҳона ҷорӣ шуд. Ширкатҳои мобилӣ дар сомонаҳои расмии худ дар ин бора хабар додаанд, ки дар асоси Фармоиши Хадамоти алоқаи назди Ҳукумати Ҷумҳурии Тоҷикистон таҳти № 1-649 аз 09.06.2015с. ва Нархномаи ҳаққи пардохти захираҳои рақамгузории Ҷумҳурии Тоҷикистон, ки аз ҷониби Хадамоти алоқаи тасдиқ карда шуда, бо Хадамоти зиддиинҳисории назди Ҳукумати Ҷумҳурии Тоҷикистон мувофиқа карда шудааст, аз санаи 01.07.2015с. пардохти муштарӣ барои истифодаи ҳар як рақам ба андозаи 80 дирам муқаррар карда мешавад. «Хоҳишмандем ба инобат гиред, ки пардохти муштарипулии моҳона алоҳида барои ҳар як рақаме, ки Шумо аз он истифода мебаред, ситонида мешавад», — омадааст дар маълумоти ширкатҳои мазкур. Тибқи маълумоти ахир, дар Тоҷикистон бо аҳолии беш аз 8 млн. нафар айни замон 11, 2 млн. муштариёни ширкатҳои алоқаи мобилӣ ба қайд гирифта шудаанд, ки аз ин шумор сим-кортҳои ҳудуди 6,5 млн. нафарашон фаъол будаанд. Дар ҳамин ҳол, бо фармоиши Хадамоти алоқа, аз 1 июли соли 2015 дар тамоми нақшаҳои тарифӣ, аз ҷумла телефонҳои статсионарӣ (хонагӣ) ва рақамҳои NGN бо назардошти андозҳо барои ҳар як рақам 50 дирам пардохти моҳона муқаррар шудааст. Дар ин бора news.tj хабар медиҳад.
Таджикский «оши палав» (плов) включен в список культурного наследия ЮНЕСКО
Таджикский оши палава (плов) добавлен в Репрезентативный список нематериального культурного наследия ЮНЕСКО, сообщает официальный сайт организации. Накануне, 1 декабря во второй половине дня двенадцать элементов ...
Нет комментариев