Вақте ки Ҷанги Дуюми Ҷаҳонӣ оғоз ёфт, сокини Полша Ирен Сендлер ҳамагӣ 30 сол дошт. Вақте ки Ирена дар бораи он даҳшатҳое, ки бо одамон дар Гетто рух медиҳад, фаҳмид, вай натавонист дар канор истад. Олмониҳо бисёр аз бемориҳое, ки дар ӯрдугоҳҳо паҳн мешуданд, метарсиданд ва аз ин рӯ коркунони тибро ба онҷо роҳ медоданд. Ирена бо харидани ҳуҷҷатҳои қалбакии корманди идораи тиб тавонист, ба ӯрдугоҳ дарояд. Тасаввур кардан душвор аст, ки ин зани нозукандоми хурд тавонист 2500 кӯдакро наҷот диҳад. Вай кӯдаконро тавассути қубурҳои обу ташноб ва нақбҳо, аз болои деворҳо мегузаронд, аз ҳама хурдтаринашонро дар даруни ҷомадоне, ки барои асбобҳо аст, гирифта мебаромад. Аз рӯи маълумоти пинҳонии шахсе ӯро ҳабс карданд. Немисҳо вайро муддати дуру дароз шиканҷа доданд, дасту пойҳояшро шикастанд, лекин ӯ ёварони худро фош насохт. То дами маргаш вай бо асо роҳ мегашт. Ирена ҳаргиз кори худро овоза намекард, ҳамеша таъкид мекард, ки бо ҳамроҳии дӯстонаш амал менамуд. Аммо то синну соли пирӣ танҳо вай зинда монд.
То соли 2007 дар бораи ин зан ҳеҷ кас маълумот надошт. Вале дар ин айём вай барои ҷоизаи сулҳи Нобел пешбарӣ шуд. Бо вуҷуди ин, комиссия ин рафтори ӯро лоиқи ҷоиза надонист ва онро ба Алберт Гор барои гузориш оид ба гармшавии ҷаҳонӣ сазовор донистанд. Оё 2500 нафар кӯдакони наҷотдода сазовори он нест, ки ба ин қаҳрамонзан ақаллан дар пирияш сипосгузор бошему эҳтиромаш намоем. Ирена Сендлер дар 98 солагияш, тамоми зиндагӣ хоксорона зиста, аз олам даргузашт. Вай ҳеҷ гоҳ худро қаҳрамон намеҳисобид ва ҳамеша худро барои он ки метавонист, ҳаёти бештарро наҷот диҳад, маломат мекард.
Нет комментариев