Як дона гӯшти бутуни мурғ, ним истакон қаймоқ, 5-6 дона картошка, 1 истакон равған, 4 дона тухм, 2 дона помидор, 1 банд укроп, 1 банд сирпиёзи кабуд, намак, зира, қайла барои хушбӯии мурғи (приправа).
Гӯшти мурғро ним соат ба намакоб мегузоранд. Баъд гӯштро аз устухон ҷудо мекунанд ва зада лат медиҳанд. Почаҳои мурғ ва гӯшти латзадаи мурғро ба 4 ҳисса ҷудо карда, намаку зира мепошанд. Аз зардии тухм, намак, 1 қошуқ орд ва шир маҳлул таёйр намуда, гӯштпораҳоро ба он меандозанд. Сафедии тухмро то шакли пуфакчаи сахт шуданаш лат медиҳанд. Гӯштпораҳоро ба он омехта мекунанд. Помидорро аз турбтарошак мегузаронанд. Ба он қаймоқ, кетчуп, укропи резакарда, сирпиёз, намаку зиравориҳо меандозанд. Барои таъми гӯштро боз ҳам болаззаттар кардан ба он хӯриши аз «Магги куринное» тайёр намударо меандозанд. Гӯшти мурғро дар равған каме зирбонда, бо соус-қайла олонда, ним соат ба ҷои салқин мегузоранд. Картошкаро дар шакли чоркунҷа бурида дар равғани маска мепазанд. Ба дег каме равған рехта аввал картошка, сипас гӯшти мурғро ҷойгир менамоянд. Аз болояш қаймоқи боқимондаро рехта дар оташи паст 30-35 дақиқа мепазанд.
Нет комментариев