Шутери маъмули Destiny барои дар муддати кӯтоҳ шифо ёфтани бозигаре, ки мағзи сараш дар давоми 11 моҳ, ҳафт маротиба ҷарроҳӣ гардида буд, кӯмак расонидааст. Дар ин бора ҳамсари хушбахти бозигар иттилоъ додааст. Ҷавонзан бо тахаллуси Bkbunny87 аз форуми Reddit, дар бораи шавҳараш Эрик, ки баъди ҷарроҳии зиёд, майнааи сараш осеб дидааст, нақл мекунад. Ҷавонмард ҳамчунин хотираашро гум карда, гумроҳ шуда буд. Чанд муддат ӯ ҳамсарашро намешинохт ва ҳатто бо душворӣ кӣ будани худро дарк менамуд, менависад «Канобу».

Тавре Bkbunny87 иброз менамояд, шавҳари вай бозигари ашаддӣ ва яке аз ҳаводори бозиҳои ширкати Bungie буд. Ҳатто ҳангоми дар бистари беморӣ буданаш Эрик, дар бораи бозиҳои нав фикр мекардааст. Рӯзе ӯ худдорӣ карда натавониста ба сухан даромад. Эрик  ба табиби бемориҳои асаб, ки ӯро табобат мекард, дар бораи Destiny нақл кард. Ба ҳамсарон табиб иброз намуд, ки гӯё видеобозиҳо барои шифо ёфтани чунин бемороне, ки майнаи сарашон осеб бардоштааст кӯмак мерасонад. Табиб дар бораи бозии нави шутер Bungie маълумот пайдо карда, қарор дод, ки воқеан ҳам ин намуди бозӣ барои барқарор намудани саломатии Эрик мусоидат хоҳад намуд. Бозии Эрик бо Destiny ҳамсарашро дар ҳайрат гузошта буд. Ҳангоми муолиҷа бо бозӣ, аллакай дар давоми як ҳафта Эрик хушҳол гардида, зуд-зуд ба кӯча мебаромадагӣ шуд. Ӯ акнун ба ҳамсараш дар корҳои хона кӯмак мерасонид. Дере нагузашта ҳамсараш қарор дод, ки ин воқеаро дар интернет изҳор намояд. Ба ин хабар Bungie таваҷҷӯҳ зоҳир намуд. Мутахассисон бо ҷуфти мазкур мулоқот намуда, чун нишонаи дастгирӣ ба шавҳар туфанги Fate Of All Fools-ро аз бозии Destiny тӯҳфа намуданд. Дигар бозигарон бошанд, метавонанд чунин туфангро дар азнавбарқароркуниҳои минбаъда дастрас кунанд.

Сарчашма: http://hitech.newsru.com/article/07nov2014/destiny