Шабакаи визуалии Instagram, ки ба Facebook тааллуқ дорад, тарзи нави истифодабариро интишор кардааст. Мувофиқи нишондиҳандаҳои нав, ақалан моҳе як маротиба замимаҳо ворид карда шуда, 300 млн нафар одамон аксҳоро тамошо ва шарҳ дода, ба он овоз медиҳанд.
Ин якчанд фисад аз аудиторияи моҳонаи хизматгузории микроблогҳои Twitter зиёд буда (284 млн), аммо чандин маротиба аз шабакаи иҷтимоии Facebook хурдтар аст (1,3 млрд). Бо вуҷуди ин Instagram нисбат ба Twitter бештар инкишоф ёфта истодааст. Масалан, тирамоҳи соли гузашта «аҳолӣ»-и хизматрасонии аксӣ (фотосервис) аз 150 млн нафар одамон зиёд шуда буд. Шумораи микроблогерҳо бошад, моҳи декабри соли 2012 ба 200 млн нафар расида буд.
Тавре асосгузор ва роҳбари Instagram Кевин Систром иброз дошт, дар замима ҳамарӯза беш аз 70 млн аксҳо ва видеороликҳо дарҷ мегарданд. Аксарияти онҳо спам ба ҳисоб мераванд. Маҳз барои ҳамин, маъмурияти хизматгузорӣ кӯшиш мекунад, ки муборизаро бар зидди аккаунтҳои қалбаки ҷоннок созад. Чунончи, ба наздикӣ дар Instagram системаи аккаунтҳои тасдиқшуда барои шахсони маъруф, варзишгарон, брендҳо ва васоити ахбори омма пешкаш хоҳад гардид.
Сарчашма : http://hitech.vesti.ru/news/view/id/6155
Нет комментариев