Дар асоси дастури Президенти Ҷумҳурии Тоҷикистон бобати сазовор пешвоз гирифтани ҷашни Истиқлолияти давлатии Ҷумҳурии Тоҷикистон Мақомоти иҷроияи ҳокимияти давлатии шаҳри Хуҷанд нақшаи махсуси корҳои ободонӣ ва созандагӣ таҳия гашта, он амалӣ мегардад.
Тибқи нақшаи номбурда то рӯзҳои таҷлили ҷашн ба истифода додани боз панҷ фаввора бо сохту тарҳи замонавӣ пешбинӣ гаштааст. Фаввораҳои нав назди бинои Бонки «Арванд», идораи шабакаҳи барқи шаҳри Хуҷанд, бинои маъмурии Раёсати стандарти давлатии вилояти Суғд сохта шуда, фаввораҳои назди бинои Иттифоқҳои касаба ва бинои собиқ Хонаи маишии «Наврӯз» пурра бо тарҳи ҷадиду замонавӣ азнавсозӣ мегарданд.
Раиси шаҳри Хуҷанд барои сари вақт ва бо сифат ба анҷом расондани корҳои сохтмонӣ ба сохтмончиёни Идораи сохтмони асосии шаҳр дастур дода таъкид намуд, ки дар баробари бунёду мавриди истифода қарор гирифтани ин фаввораҳои зебо, бояд мавзеи атрофи он ба макони истироҳату фароғати сокинону меҳмонони Хуҷанди бостонӣ табдил ёбад.
Лозим ба ёдоварист, ки дар шаҳри Хуҷанд 18 фавора мавҷуд аст, ки баъди ба истифодадиҳии фаввораҳои нав шумораи он 23 адад мерасад. Аз он 13 фаввора дар тобеияти қитъаи назорати фаъолияти фаввораҳои Корхонаи воҳиди давлатии «Сарраёсати ободонӣ хоҷагию манзилӣ ва коммуналии шаҳри Хуҷанд буда, 10 адад фавора ба корхонаю муасасисаҳои шаҳр мансубият доранд. Танҳо соли равон фаввораҳои нав сохта шуда он азнавсозӣ шуданд.
Дар ин бора www.khujand.tj хабар медиҳад.
Нет комментариев