-Меҳмони барномаи “Ҳамроз” Домуллоҷон Юсупов ҳастанд. Шуморо шодбош мегӯем ба барномаи мазкур.
Домуллоҷон Юсупов: Салом шунавандагони азиз!
— Фаъолияти эҷодии худро кай оғоз кардаед?
Домуллоҷон Юсупов: Оғози фаъолияти эҷодии ман аслан аз соли 2005 буд, аввалин клип ва консерте, ки баҳри мухлисонам тақдим намудам соли 2007 мебошад.
-Сароидани суруди шашмақом мушкил аст ё суруди эстрадӣ? Барои чӣ касби сарояндагиро интихоб кардед?
Домуллоҷон Юсупов: Шашмақомро хеле меписандам, чунки шашмақом номи тоҷикро дар ҷаҳон муаррифӣ мекунад. Ба хондани шашмақом хеле шавқ дорам, вале дар назди мухлисон ягон маротиба шашмақом насароидам.
Ба саволи дуюми шумо чунин ҷавоб медиҳам, ба рости аз рӯзе, ки худамро мешиносам дар хонаи мо чангу суруд буд баъди ҳамин дар дили ман шӯълаи сароянда шудан ҷой гирифт.
Савол аз тарафи Шунаванда:
-Аввалин шеъре ки шумо навиштед чӣ ном дошт?
Домуллоҷон Юсупов: Мутаассифона ман шеър эҷод намекунам шояд он кас аввалин сурудамро пурсон шудан, аввалин суруде, ки ман пешкаши мухлисон гардонидам ин бо ном “Эй духтар” буд.
Шунаванда: Барои чӣ касби санъткориро пеша кардед, оё Шумо дар ҳақиқат бо Ғолибҷон Юсупов бародар ҳастед?
Домуллоҷон Юсупов: Албатта бо кӯмаки бародарам роҳи санъатро пеша кардам, он кас хеле маро дар ҷодаи санъат дастгирӣ карданд инчунин карда истодаанд.
Албатта мо бо Ғолибҷон Юсупов додар ҳастем. Ғолибҷон фарзанди аввалин, ман бошад фарзанди сеюмин дар оилаамон ҳастам.
—Шавқу ҳаваси Шумо ба ғайр аз санъаткорӣ?
Домуллоҷон Юсупов: Бештар бо моҳидорӣ машғул мешавам, чунки вақте ки моҳӣ медорам асабҳои хастаи ман ба зудӣ ором мешавад.
-Кадом хислатҳои инсониро мепарастед?
Домуллоҷон Юсупов: Инсонҳое, ки хушчак-чак ҳастанд, хоксор бошад.
—Вақте ки ба саҳна мебароед ба ҳаяҷон меоед ё ин ки?
Домуллоҷон Юсупов: Ба фикри ман ҳар як санъаткоре, ки ба рӯи саҳна мебарояд ба ҳаяҷон меояд, барои он ки дили ҳар як бинандаро ба даст овардан мехоҳад. Ба гуфти санъаткор Маҳками Баҳриддин агар ба рӯи саҳна бароию 500 нафар мухлисон бошад, туро 1000 чашм мебинад (механдад).
Ташаккур барои ҷавобҳои мушаххас.
Домуллоҷон Юсупов: Барои Шумо низ ташаккур мегӯем, ки маро ба барномаи худ таклиф намудед!
Истифодабарандагони азиз, муфассалтар дар бахши «Дурахши ситораҳо» бо ин санъаткор, яъне Домуллоҷон Юсупов ошно хоҳед гашт.
Нет комментариев