Дар Раёсати ҳифзи муҳити зисти вилояти Суғд бо иштироки намояндагони расонаҳои хабарӣ озмуни «Даҳ соли ҳамкорӣ ва натиҷаҳои он дар соҳаи об» ҷамъбаст карда шуд.
Бояд хотиррасон шуд, ки дар аввалҳои соли ҷорӣ бо ташаббуси Кумитаи ҳифзи муҳити зисти назди Ҳукумати Ҷумҳурии Тоҷикистон ва сохтори он дар вилоят бо мақсади татбиқи сиёсати Ҳукумати Ҷумҳурии Тоҷикистон ҷиҳати баланд бардоштани маърифати экологии аҳолӣ ва ҳавасмандии рўзноманигорон барои ташвиқу тарғиби ҳифзи муҳити зист ва мусоидат ба ҳалли муаммоҳои экологӣ дар байни кормандони васоити ахбори омма озмун эълон гардида буд. Ба озмун маводҳои барномаҳои радиоӣ ва телевизионӣ, ҳамчунин маводҳои чопӣ бо забонҳои тоҷикӣ ва русӣ пешниҳод карда шуда буданд.
Дар фазои тантанавӣ ба ғолибони озмуни ҷумҳуриявӣ ва вилоятӣ туҳфаҳои моливу пулӣ тақдим карда шуд. Аз ҷумла ба сармуҳаррири радиои вилояти Суғд Муллобоева Тутинисо дар бахши радио ва Ҳалимҷон Ҷӯраев, муҳаррири телевизиони Симои мустақили якум ки дар озмуни ҷумҳуриявӣ ғолиб дониста шудаанд, туҳфаҳо ва ифтихорномаҳо тақдим карда шуд. Ҳамин тавр ба ғолибони озмуни вилоятӣ дар бахши матбуот ба Усмони Саидзод, дар бахши телевизион Равшан Мирзоёров ва дар бахши радио Раҳимҷон Аҳмадов бо туҳфаҳои моливу пулӣ қадрдонӣ шуданд.
Дар ин бора аз хадамоти матбуоти Раиси вилояти Суғд хабар доданд
Нет комментариев