Ғолибони Интернет-олимпиадаи байналмилалӣ муайян шуданд

0
438 просмотров

Ғолибони Интернет-олимпиадаи байналмилалӣ, ки бори аввал аз фанни химия байни донишҷӯёни 50 муассисаи таҳсилоти олии касбӣ дар Донишгоҳи миллии Тоҷикистон доир гардид, муайян шуданд. Дар он 127 иштирокчӣ 6 ҷойи аввал, 12 ҷойи дуюм ва 16 ҷойи сеюмро ба даст оварданд. Дар ин хусус ба АМИТ «Ховар» дар донишгоҳи мазкур хабар доданд.

Олимпиадаи мазкур бо иштироки 50 муассисаи таҳсилоти олии касбӣ аз 8 давлати дунё бо мақсади татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф (солҳои 2020-2040)» баргузор шуд.

Дар он 6 донишҷӯ сазовори ҷойи аввал шуд. Аз ҷумла, донишҷӯи курси 2-юми Донишгоҳи давлатии Туркманистон ба номи Махтумқулӣ Азиз Каримбоев, донишҷӯи курси 3-юми Донишгоҳи миллии Тоҷикистон Муҳаммадҷон Бобохонов, донишҷӯи курси 2-юми Донишгоҳи давлатии Туркманистон ба номи Махтумқулӣ Кервен Гадамов, донишҷӯи курси 1-уми Донишгоҳи миллии Казоқистон ба номи ал-Форобӣ Аастха Бхардваҷ, донишҷӯи курси 3-юми Донишгоҳи давлатии омӯзгории Тоҷикистон ба номи С.Айнӣ  Меҳрона Коркунова, донишҷӯи курси 5-уми  Донишгоҳи давлатии Самарқанд ба номи Ш.Рашидов Шуҳрат Ғайбуллоев сазовори ҷойҳои аввал шуданд.

Дар ҷадвал ҷойҳои ба дастовардаи муассисаҳои таҳсилоти олии иштирокчӣ  чунин муайян карда шудааст:

1. Тоҷикистон – 15 ҷой;
2. Қазоқистон — 7 ҷой;
3.Қирғизистон – 5 ҷой;
4. Туркманистон – 2 ҷой;
4. Беларус – 2 ҷой;
5. Узбекистон – 2 ҷой.
6.Русия – 1 ҷой;

Манбаъ: АМИТ «Ховар»

Нет комментариев

Также рекомендуем

Вилояти Суғд омодаи ҳамкорӣ бо сармоягузорони украинӣ дар соҳаҳои кишоварзӣ ва саноат аст

Зимни мулоқоти Раиси вилояти Суғд Раҷаббой Аҳмадзода бо Сафири Фавқулода ва Мухтори Украина дар Ҷумҳурии Тоҷикистон Василий Серватюк иброз гардид, ки Суғд дорои имкониятҳои фаровон ...

Сообщить об опечатке

Текст, который будет отправлен нашим редакторам: