"Оғози тиҷорати шумо, бо дастгирии мо!"

Муассисаи давлатии Маркази татбиқи лоиҳаи «Дастрасӣ ба маблағузории сабз ва маблағҳои рушди деҳот»-и назди Вазорати молияи Ҷумҳурии Тоҷикистон дар якҷоягӣ бо Бонки Умумиҷаҳонӣ ҷиҳати татбиқи пурсамари фаъолияти лоиҳаи «Тиҷораткунонии соҳаи кишоварзӣ» маблағгузории иловагиро мавриди иҷроиш қарор додааст.

Мақсади лоиҳаи мазкур – ин мусоидат намудан дар рушди тиҷорати (маҳсулоти агросаноатӣ) хоҷагиҳои фермерӣ ва корхонаҳои хурду миёна, ки дар минтақаҳои интихобгардидаи татбиқшавии лоиҳа фаъолият менамоянд, бо роҳи таъмин намудани дастрасии васеъ ба маблағгузорӣ ва таҳкими нерӯи бенефитсиарҳои (баҳрагирандагони) лоиҳа мебошад.

Лоиҳа, амалиётҳои маблағгузориро тавассути ташкилотҳои қарзӣ амалӣ намуда, таъмини дастрасии васеи маблағгузории бенефитсиарҳо (баҳрагирандагон)-ро бо пешниҳоди маблағҳои қарзӣ дар назар дорад.

Маблағҳои қарзӣ ба бенефитсиарҳо (баҳрагирандагон)-и лоиҳа танҳо барои сармуягузорӣ ва хариди воситаҳои гардон дода мешавад.

Инчунин, лоиҳа ҷиҳати дастгирии ҷавонон, занҳо ва шахсони маъюб пешниҳоди маблағҳои грантиро барои ташкили тиҷорати нав (стартап) ва корхонаҳои истеҳсолӣ ё коркард, равон менамояд. Маблағи грантӣ дар якҷоягӣ бо маблағи қарзӣ ба бенефитсиарҳо (баҳрагирандагон)-и лоиҳа мақсаднок пешниҳод мегарданд.

Грантҳо қисми маблағҳои бебозгашти қарзро ташкил дода, аз он бенефитсиарҳо (баҳрагирандагон) ба бонк фоиз пардохт намекунанд. Бенефитсиарҳо (баҳрагирандагон) танҳо ба гирифтани як қарз, ки гранти баробаразиш дорад, ҳуқуқ доранд.

Ҳаҷми умумии маблағҳои грантӣ ва қарзи пешниҳодшаванда барои ташкили тиҷорати нав (стартап) ва корхонаҳои истеҳсолӣ ё коркард то 20 000 долл. ИМА-ро бояд ташкил диҳанд. Маблағи дархости грант бояд на зиёда аз 50% маблағи қарзро ташкил диҳад.

Маблағи грантӣ бо қарз танҳо барои харидани ашёи нав истифода мешавад

Дар ҳолати саривақт ва пурра пардохт нагардидани маблағи қарзи асосӣ ва фоизҳои он, инчунин риоя нагардидани дигар талаботҳои шартномаи қарзӣ, бенефитсиар (баҳрагиранда) аз маблағи гранти ҷудогардида маҳдуд мешавад.

Ба бенефитсиарҳо (баҳрагирандагон) омӯзишҳои муҳосибӣ, андозбандӣ, ҳуқуқӣ, таҳияи бизнес-нақшаҳо ва дигар машваратҳо оиди фаъолияти лоиҳа ройгон мебошад.

Сармоягузорӣ ба монанди:

Сармоягузории техникаҳои соҳаи кишоварзӣ;
Таҷҳизоти саноати хӯрокворӣ;
Сармоягузорӣ ба захиракунии маҳсулотҳои агросаноатӣ;
Бастабандӣ;
Хизматрасонӣ дар соҳаи кишоварзӣ;
Дар рушди соҳаи боғдорӣ;
Сармоягузорӣ ба манбаъҳои барқароршавандаи энергетикӣ;
Дигар дороиҳои миёнамӯҳлат ва дарозмуддати истеҳсолӣ.

Бояд гуфт, ки алакай ба бисёр нафарон ТҶ “Латиф” дар доираи амалишавии лоиҳаи «Дастрасӣ ба маблағузории сабз ва маблағҳои рушди деҳот» маблағҳои грантӣ пешниҳод намуд ва инчунин барои хариди тракторҳову таҷҳизотҳои техникӣ кӯмак намуд.

ҚАРЗҲО ВА ГРАНТҲОИ БАРОБАРАРЗИШ БАРОИ:

Хариди техникаҳои кишоварзӣ;
Хариди таҷхизоти саноати хӯрокворӣ;
Боғдорӣ;
Ташкил ва барқарорсозии манъбаҳои энергетикӣ;
Ташкили сардхонаҳо барои нигаҳдории меваҷот;
Ҷамъоварӣ, нигоҳдорӣ ва коркарди шир;
Корхонаи хурди ордбарорӣ;
Корхонаи хурди пахтатозакунӣ;
Корхонаи хурди дару тиреза;
Корхонаи таъмири нақлиёт;
Нонпазӣ;
Барқчӣ;
Сантехникӣ;
Занбурпарварӣ;
Гулпарварӣ;
Қолинбофӣ;
Дӯзандагӣ;
Қаннодӣ ва ғайраҳо.

Тамос барои ҳамкорӣ бо Лоиҳа: ТҶ “ЛАТИФ”, ш. Хуҷанд, куч. Камол Хучанди 181. +992 93-880-21-88, +992 93-020-22-24, +992 93-571-25-26 po@gmail.com, saydali-h@mail.ru